କରୋନା ସଂକ୍ରମଣ ବୃଦ୍ଧି ପାଉଥିବା ବେଳେ ଗୋଟିଏ ସପ୍ତାହ ମଧ୍ୟରେ ୪ହଜାର ବିବାହ ଆୟୋଜନ

ଜୟପୁର: ରାଜସ୍ଥାନର କରୋନା ମାମଲା ଦ୍ରୁତ ଗତିରେ ବୃଦ୍ଧି ପାଉଥିବା ବେଳେ ନଭେମ୍ବର ୨୫ ରୁ ୩୦ ତାରିଖ ମଧ୍ୟରେ ରାଜଧାନୀ ଜୟପୁରରେ ୪ ହଜାର ବିବାହ ଉତ୍ସବର ଆୟୋଜନ କରାଯାଇଛି।  ଯାହାକି ମହାମାରୀ କରୋନା ସଂକ୍ରମଣକୁ ରୋକିବା ପାଇଁ ସମସ୍ତ ପ୍ରୟାସ କରୁଥିବା ସ୍ୱାସ୍ଥ୍ୟ ଅଧିକାରୀଙ୍କ ଚିନ୍ତା ବଢ଼ାଇ  ଦେଇଛି।
ରାଜସ୍ଥାନରେ ପ୍ରତିଦିନ ୩ ହଜାରରୁ ଅଧିକ କରୋନାଭାଇରସ୍ ମାମଲା ସାମ୍ନାକୁ ଆସୁଛି। ଜୟପୁରକୁ ଛାଡ଼ି ଦେଲେ ରାଜ୍ୟର ଅନ୍ୟ ସମସ୍ତ ଅଞ୍ଚଳରେ ଆଡମ୍ବର ସହ ବିବାହ ଆୟୋଜନ କରାଯାଉଛି। ଏଥିମଧ୍ୟରୁ ଅନେକ ବିବାହକୁ ପ୍ରାରମ୍ଭିକ କରୋନା ସମୟରେ ଜାରି କରାଯାଇଥିବା ଲକଡାଉନ କାରଣରୁ ବାତିଲ କରି ଦିଆ ଯାଇଥିଲା।
Rs 25,000 Fine For Weddings With More Than 100 Guests in Rajasthan
India.com
ସ୍ୱାସ୍ଥ୍ୟ ଅଧିକାରୀଙ୍କ କହିବାନୁସାରେ, ରାଜସ୍ଥାନରୁ ପ୍ରତିଦିନ ୩ହଜାରରୁ ଅଧିକ ମାମଲା ସାମ୍ନାକୁ ଆସୁଥିବା ବେଳେ ଗୋଟିଏ ସପ୍ତାହ ମଧ୍ୟରେ ୪ହଜାର ବିବାହ ଆୟୋଜନ କରାଯାଉଛି। ଏତଦ ଦ୍ବାରା ସଂକ୍ରମଣ ବୃଦ୍ଧି ପାଇବ ବୋଲି ଆଶା କରାଯାଉଛି। ରାଜ୍ୟ ସରକାର ବିବାହରେ ସର୍ବାଧିକ ୧୦୦ଜଣ ଲୋକ ସାମିଲ ହୋଇ ପାରିବେ ବୋଲି ସ୍ଥିର କରିଛନ୍ତି। ଜୟପୁରରେ ନଭେମ୍ବରରେ ୨୫, ୨୭ ଏବଂ ୩୦ରେ ଶୁଭ ସମୟରେ ଥିବାରୁ  ଏହି ଦିନ ପ୍ରାୟ ୪,୦୦୦ ବିବାହ ହେବ।  ଲୋକମାନଙ୍କ କହିବା ଅନୁସାରେ, ବିବାହ ଅନୁଯାୟୀ ଏହି ତାରିଖଗୁଡିକ ବହୁତ ଶୁଭ ଅଟେ |
ରାଜସ୍ଥାନରେ ଗତ ଚାରି ଦିନ ମଧ୍ୟରେ କରୋନା ମାମଲା ୧.୩୪ ପ୍ରତିଶତ ହାରରେ ବୃଦ୍ଧି ପାଉଛି। ରାଜସ୍ଥାନରେ ସକ୍ରିୟ ରୋଗୀଙ୍କ ସଂଖ୍ୟା ମଧ୍ୟ ୨୬ ହଜାର ଅତିକ୍ରମ କରିଛି। ଜୟପୁରରେ ପ୍ରତିଦିନ ୬୦୦ ରୁ ଅଧିକ ରୋଗୀ ଚିହ୍ନଟ ହେଉଛନ୍ତି। ଜୟପୁରରେ ବୃଦ୍ଧି ପାଉଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ରାତ୍ରି କର୍ଫ୍ୟୁ ସମେତ ଅନେକ ପଦକ୍ଷେପ ଘୋଷଣା କରାଯାଇଛି।
ମୁଖ୍ୟମନ୍ତ୍ରୀ ଅଶୋକ ଗହଲୋତ ସରକାର ରାଜ୍ୟରେ ବିବାହ ସମୟରେ ୧୦୦ରୁ ଅଧିକ ଲୋକ ଏକାଠି ହୋଇ ପାରିବେ ନାହିଁ ବୋଲି ସ୍ଥିର କରିଛନ୍ତି। ସାନିଟାଇଜର ବ୍ୟବହାର ଓ ମାସ୍କ ପିନ୍ଧିବାକୁ  ବାଧ୍ୟତାମୂଳକ କରାଯାଇଛି।

 

ସମ୍ବନ୍ଧିତ ଖବର