କାଇରୋ : ଇଜିପ୍ଟରେ ୩ଟି ଅଲଗା ଅଲଗା ଏନକାଉଣ୍ଟରରେ ସୁରକ୍ଷାବାହିନୀ ପ୍ରାୟ ୪୦ ଜଣ ସଂଦିଗ୍ଧ ଆତଙ୍କବାଦୀଙ୍କୁ ମାରିଦେଇଛି । ଉତ୍ତର ସିନାଇ ଓ ଗିଜା ସହରରେ ଏହି ଏନକାଉଣ୍ଟର ହୋଇଛି ବୋଲି ଇଜିପ୍ଟର ଗୃହ ମନ୍ତ୍ରାଳୟ ପକ୍ଷରୁ କୁହାଯାଇଛି । କେବଳ ଗିଜା ସହରରେ ୩୦ ଆତଙ୍କବାଦୀଙ୍କୁ ମାରିଦିଆଯାଇଛି । ଏମାନେ ଇଜିପ୍ଟକୁ ଆସୁଥିବା ପର୍ଯ୍ୟଟକମାନଙ୍କ ଉପରେ ଆହୁରି ଅଧିକ ଆକ୍ରମଣ କରିବାକୁ ଷଡ଼ଯନ୍ତ୍ର କରୁଥିଲେ ବୋଲି ସରକାର କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଉତ୍ତର ସିନାଇ ସହରରେ ସୁରକ୍ଷା କର୍ମୀଙ୍କ ଏନକାଉଣ୍ଟରରେ ୧୦ ଜଣ ଆଇଏସ ଆତଙ୍କବାଦୀ ପୁଲିସ ସହ ଗୁଳିବିନିମୟ ବେଳେ ନିହତ ହୋଇଛନ୍ତି ।
ଗତକାଲି ଅର୍ଥାତ ଶୁକ୍ରବାରଦିନ ଆତଙ୍କବାଦୀମାନେ ଭିଏତନାମର ପର୍ଯ୍ୟଟକଙ୍କୁ ନେଇ ଯାଉଥିବା ଏକ ବସ ଉପରେ ବୋମାମାଡ କରିବା ଦ୍ୱାରା ପ୍ରାୟ ୪ ଜଣ ପର୍ଯ୍ୟଟକ ନିହତ ହୋଇଥିଲେ । ତେବେ ଶନିବାରଦିନ ମରିଥିବା ଆତଙ୍କବାଦୀମାନେ ପର୍ଯ୍ୟଟକ ଆକ୍ରମଣ ଘଟଣାରେ ସଂପୃକ୍ତ ଥିଲେ କି ନା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ ।