ନୂଆଦିଲ୍ଲୀ : ୟେସ ବ୍ୟାଙ୍କ ସଂକଟ ଯୋଗୁଁ ବିଦେଶରେ ଥିବା ପ୍ରାୟ ୪୦ ହଜାର ଭାରତୀୟ ସମସ୍ୟାରେ ଫସିରହିଛନ୍ତି । ବ୍ୟାଙ୍କ ଖାତାରେ ଅର୍ଥ ଥିବା ସତ୍ତ୍ୱେ ସେମାନଙ୍କ ୟେସ ବ୍ୟାଙ୍କ ଡେବିଟ ଓ ଫରେକ୍ସ କାର୍ଡ ଅଚଳ ହୋଇଯାଇଛି । ଏହା ଫଳରେ ସେମାନେ ବିଭିନ୍ନ ଜରୁରୀ ଖର୍ଚ୍ଚ ପାଇଁ ସେମାନେ ପେମେଣ୍ଟ କରିପାରୁନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାର ପ୍ରାୟ ୪୦ ହଜାର ଭାରତୀୟ ଏବେ ୟେସ ବ୍ୟାଙ୍କ ଡେବିଟ୍ କାର୍ଡ କିମ୍ବା ଫରେକ୍ସ କାର୍ଡ ସହ ବିଦେଶ ଭ୍ରମଣରେ ଅଛନ୍ତି । କିନ୍ତୁ ଗତ ୫ ତାରିଖରେ ରିଜର୍ଭ ବ୍ୟାଙ୍କ ୟେସ ବ୍ୟାଙ୍କ ଉପରେ କଟକଣା ଲଗାଇବା ପରେ ସେମାନେ ସମସ୍ୟାରେ ପଡ଼ିଯାଇଛନ୍ତି । କାରଣ ୟେସ ବ୍ୟାଙ୍କ ଆକାଉଣ୍ଟରୁ ଟଙ୍କା ଉଠାଣକୁ ମାସିକ ୫୦ ହଜାର ଟଙ୍କାରେ ସୀମିତ ରଖାଯାଇଛି । ଉଠାଣ କଟକଣା ଯୋଗୁଁ ବିଦେଶରେ ଥିବା ଏହି ଭାରତୀୟମାନଙ୍କ ଡେବିଟ କାର୍ଡ ଓ ଫରେକ୍ସ କାର୍ଡ ଅଚଳ ହୋଇଯାଇଛି । ଫରେକ୍ସ କାର୍ଡ ଧରୁଥିବା ଲୋକମାନେ ସାଧାରଣତଃ ନଗଦ ଅର୍ଥ ବଦଳରେ ଏହାକୁ ବ୍ୟବହାର କରନ୍ତି । କିନ୍ତୁ ଏସବୁ କାର୍ଡ ଅଚଳ ହୋଇଯାଇଥିବାରୁ େଲୋାକମାନେ ନିଜର ହୋଟେଲ ଖର୍ଚ୍ଚ, ବିମାନ ଟିକେଟ ଏପରିକି ଖାଦ୍ୟ ଓ ଚିକିତ୍ସା ଖର୍ଚ୍ଚ ପାଇଁ ମଧ୍ୟ ପେମେଣ୍ଟ କରିପାରୁନାହାନ୍ତି ।
ରିଜର୍ଭ ବ୍ୟାଙ୍କ ଗତ ୫ ତାରିଖରେ ଆର୍ଥିକ ସଂକଟରେ ପଡ଼ିଥିବା ୟେସ ବ୍ୟାଙ୍କର ବୋର୍ଡ ଅଫ ଡାଇରେକ୍ଟର୍ସକୁ ଭାଙ୍ଗିଦେବା ସହ ଜମାକାରୀଙ୍କ ପାଇଁ ମାସିକ ଜମା ଉଠାଣକୁ ୫୦ହଜାର ଟଙ୍କା ମଧ୍ୟରେ ସୀମିତ ରଖିଥିଲେ । ଏହା ସହିତ ବ୍ୟାଙ୍କ କୌଣସି ନୂଆ ଋଣ ଦେଇପାରିବେ ନାହିଁ କିମ୍ବା ନୂଆ ନିବେଶ କରିପାରିବେ ନାହିଁ ବୋଲି କଟକଣା ଲାଗୁ କରିଥିଲେ ।