ଆଉ ସୁରକ୍ଷିତ ନୁହେଁ ବିମାନ ଯାତ୍ରା ? ୨୦୨୫ର ପ୍ରଥମ ୭ ମାସରେ ୪୯୯ ମୃତ

ନୂଆଦଲ୍ଲୀ : ବିମାନଯାତ୍ରାକୁ ସବୁଠାରୁ ସୁରକ୍ଷିତ ଯାତ୍ରାବୋଲି ବିବେଚନା କରାଯାଏ। କାରଣ ବିମାନ ଦୁର୍ଘଟଣା ସାଧାରଣତଃ ଏକ ଅତି ବିରଳ ଘଟଣା ହୋଇଥାଏ । କିନ୍ତୁ ବିଗତ କିଛି ବର୍ଷହେଲା ବିଶ୍ବରେ ବିମାନ ଦୁର୍ଘଟଣା ସଂଖ୍ୟା ବଢିଚାଲିଛି । ବିମାନ ଦୁର୍ଘଟଣାରେ  ଗତ ୭ ମାସରେ ୪୯୯ ଜଣ ଲୋକ ପ୍ରାଣ ହରାଇଛନ୍ତି। ଅର୍ଥାତ ପ୍ରତିଦିନ ହାରାହାରି ୨ ରୁ ଅଧିକ ଲୋକ ବିମାନ ଯାତ୍ରାରେ ପ୍ରାଣ ହରାଉଛନ୍ତି।

ଗୁରୁବାର, ରୁଷରେ ଆଉ ଏକ ବଡ଼ ଦୁର୍ଘଟଣା ଘଟିଥିଲା ଯେତେବେଳେ ଏକ ଅଙ୍ଗାରା ଏୟାରଲାଇନ୍ସ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା, ଏଥିରେ ୪୯ ଜଣ ଯାତ୍ରୀ ଥିଲେ, ସେମାନଙ୍କ ସମସ୍ତଙ୍କର ମୃତ୍ୟୁ ହେବାର ଆଶଙ୍କା କରାଯାଉଛି।

ଭାରତରୁ ରୁଷ ଏବଂ ବ୍ରିଟେନ ପର୍ଯ୍ୟନ୍ତ ଆମେରିକା ପର୍ଯ୍ୟନ୍ତ, ପ୍ରତ୍ୟେକ ଦେଶରେ ବିମାନ ଦୁର୍ଘଟଣା ବୃଦ୍ଧି ପାଇଛି। ଗତ କିଛି ବର୍ଷ ମଧ୍ୟରେ, ଏହି ସଂଖ୍ୟା ନିରନ୍ତର ବୃଦ୍ଧି ପାଉଛି, ଏଥିରେ ଅନେକ ଗୁରୁତର ଦୁର୍ଘଟଣା ମଧ୍ୟ ଘଟିଛି। ଇଣ୍ଟରନ୍ୟାସନାଲ ଏୟାର ଟ୍ରାଫିକ୍ ଆସୋସିଏସନ୍ ଅନୁଯାୟୀ, ୨୦୨୧ରୁ ଜୁଲାଇ ୨୦୨୫ ପର୍ଯ୍ୟନ୍ତ ବିମାନ ଦୁର୍ଘଟଣାରେ ସାରା ବିଶ୍ବରେ ମୋଟ ୧୦୯୯ ଲୋକ ପ୍ରାଣ ହରାଇଛନ୍ତି । କିନ୍ତୁ ଏହାର ପ୍ରାୟ ଅଧା ଚଳିତ ବର୍ଷ ହିଁ ମୃତ୍ୟୁ ବରଣ କରିଛନ୍ତି । ଏହା ମଧ୍ୟରୁ କେବଳ ଅହମ୍ମଦାବାଦ ବିମାନ ଦୁର୍ଘଟଣାରେ ୨୬୦ ଲୋକ ପ୍ରାଣ ହରାଇଛନ୍ତି ।