ଉତ୍ତର ଭାରତରେ ଭୂମିକମ୍ପ
ତୀବ୍ରତା ୫.୫, ଥରିଲା ଦିଲ୍ଲୀ
ନୂଆଦିଲ୍ଲୀ : ସମଗ୍ର ଉତ୍ତର ଭାରତରେ ଆଜି ବିଳମ୍ବିତ ସନ୍ଧ୍ୟାରେ ଭୂକମ୍ପ ଅନୁଭୂତ ହୋଇଛି। ରାଜଧାନୀ ଦିଲ୍ଲୀ, ଉତ୍ତରାଖଣ୍ଡ ସମେତ ଉତ୍ତର ଭାରତର ଅଧିକାଂଶ ଅଂଚଳରେ କମ୍ପନ ଯୋଗୁଁ ଆତଙ୍କ ଖେଳିଯାଇଥିଲା। ଭାରତୀୟ ପାଣିପାଗ ବିଭାଗର ସୂଚନା ମୁତାବକ ଏହି ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୫.୫ ରେକର୍ଡ କରାଯାଇଛି। ଉତ୍ତରାଖଣ୍ଡର ରୁଦ୍ରପ୍ରୟାଗ ଅଂଚଳରେ ଭୂପୃଷ୍ଠରୁ ୩୦ କିଲୋମିଟର ଗଭୀରତାରେ ଏହି ଭୂମିକମ୍ପର ନାଭିକେନ୍ଦ୍ର ଥିବା ଜଣାପଡ଼ିିଛି। ସଂଧ୍ୟା ପ୍ରାୟ ୮ଟା ୫୨ ମିନିଟରେ ୫ରୁ୧୦ ସେକେଣ୍ଡ ପାଇଁ ଭୂକମ୍ପ ଅନୁଭୂତ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଏ ବାବଦ କୌଣସି କ୍ଷୟକ୍ଷତିର ଆକଳନ କରାଯାଇନାହିଁ। ରାଜଧାନୀ ଦିଲ୍ଲୀ ଏନ୍ସିଆର ସମେତ ଉତ୍ତରାଖଣ୍ଡର ଚମୋଲି, ଉତ୍ତରକାଶୀ, ଡେରାଡ଼ୁନ, ହରିଦ୍ୱାର ଆଦି ସ୍ଥାନରେ କମ୍ପନର ବିଶେଷ ପ୍ରଭାବ ଦେଖିବାକୁ ମିଳିଥିଲା। ଭୂକମ୍ପ ଝଟକା ଅନୁଭୂତ ହେବାପରେ ଲୋକେ ଭୟରେ ଘରଛାଡି ରାସ୍ତାକୁ ଚାଲି ଆସିଥିଲେ।