ବାଇକରେ ବସି ବିବାହ କାର୍ଯ୍ୟକ୍ରମରୁ ଫେରୁଥିଲେ ୫ଜଣ, ଦୁର୍ଘଟଣାରେ ସମସ୍ତଙ୍କର ମୃତ୍ୟୁ
ଲଖନଉ: ଏକ ବାଇକରେ ୫ ଜଣ ବସି ଫେରୁଥିବାବେଳେ ଦୁର୍ଘଟଣାରେ ଚାଲିଯାଇଛି ସମସ୍ତଙ୍କ ଜୀବନ | ଏକ ବିବାହ କାର୍ଯ୍ୟକ୍ରମରୁ ଫେରୁଥିବା ଗୋଟିଏ ପରିବାରର ସମସ୍ତ ୫ ଜଣ ସଦସ୍ୟଙ୍କର ମୃତ୍ୟୁ ହୋଇଯାଇଛି | ଉତ୍ତରପ୍ରଦେଶର ପ୍ରତାପଗଡରେ ଏହି ଦୁଃଖଦାୟକ ଘଟଣା ଘଟିଛି | କୁହାଯାଉଛି ଯେ ଏକ ଅଜ୍ଞାତ ଗାଡି ବାଇକକୁ ଧକ୍କା ଦେଇ ଚାଲିଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ପ୍ରତାପଗଡ଼ର ନବାବଗଞ୍ଜର ବୁଡୁନା ଗାଁର ବାସିନ୍ଦା ରାମସାରାନ୍ ପାଲ୍ (୬୦), ଏକ ବାଇକରେ ତାଙ୍କର ଦୁଇ ପୁଅ, ଭଉଣୀ ଓ ଜଣେ ସମ୍ପର୍କୀୟଙ୍କ ସହ ଏକ ବିବାହ କାର୍ଯ୍ୟକ୍ରମରୁ ଫେରୁଥିଲେ। ଏହି ସମୟରେ ରାସ୍ତାରେ ଏକ ଅଜ୍ଞାତ ଗାଡି ସେମାନଙ୍କୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ସମସ୍ତ ୫ ଜଣଙ୍କର ମୃତ୍ୟୁ ହୋଇଛି। ସୃଙ୍ଗଭରପୁର ରାଜପଥରେ ଏହି ଦୁର୍ଘଟଣା ଘଟିଛି।
ଦୁର୍ଘଟଣାର ଖବର ପାଇବା ମାତ୍ରେ ବୁଡୁନା ଗାଁରେ ଶୋକର ଛାୟା ଖେଳିଯାଇଛି । ଦୁର୍ଘଟଣା ସମ୍ପର୍କରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି। ପୁଲିସ କହିଛି ଯେ ଗୋଟିଏ ବାଇକରେ କ୍ଷମତାଠାରୁ ଅଧିକ ଲୋକ ଆସୁଥିବାରୁ ବୋଧେ ଚାଳକ ଭାରସାମ୍ୟ ହରାଇଥିଲେ | ତେବେ ପୁଲିସ ଏବେ ଅଜ୍ଞାତ ଗାଡିକୁ ଖୋଜୁଛି |