କଣ୍ଟେନର ସହ କାର ଧକ୍କାରେ ଜଳିଗଲେ ୫ ଜଣ ଯାତ୍ରୀ
ଆଗ୍ରା: ମଙ୍ଗଳବାର ଭୋରରେ ଉତ୍ତରପ୍ରଦେଶର ଆଗ୍ରାଠାରେ ଏକ ବଡ଼ ସଡକ ଦୁର୍ଘଟଣା ଘଟିଛି। ଯମୁନା ଏକ୍ସପ୍ରେସୱେରେ ଏକ କଣ୍ଟେନର ସହିତ କାରଟି ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ୫ ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି | କୁହାଯାଉଛି ଯେ ନାଗାଲାଣ୍ଡ ନମ୍ବର ଥିବା କଣ୍ଟେନର ଭୁଲ ଦିଗରୁ ଆସୁଥିବାରୁ ଏହି ଦୁର୍ଘଟଣା ଘଟିଛି। ମୃତକ ଉତ୍ତରପ୍ରଦେଶର ଲଖନଉର ହୋଇଥିବାବେଳେ ସେମାନେ ଦିଲ୍ଲୀ ଅଭିମୁଖେ ଯାଉଥିଲେ |
Sambad is now on WhatsApp
Join and get latest news updates delivered to you via WhatsApp
ପୁଲିସର ସୂଚନାନୁସାରେ, ସକାଳ ଚାରିଟାରେ ଏହି ଦୁର୍ଘଟଣା ଘଟିଛି। ପୁଲିସର ସୂଚନା ମୁତାବକ ମାରୁତି ଡିଜାଇର କାର ଆଗ୍ରା ଠାରୁ ଦିଲ୍ଲୀ ଅଭିମୁଖେ ଯାଉଥିଲା | ଆଉ ଯମୁନା ଏକ୍ସପ୍ରେସ ୱେରେ ଏକ କଣ୍ଟେନର ସହ କାରଟି ମୁହାଁମୁହିଁ ଧକ୍କା ହୋଇ ଜଳିଯାଇଥିଲା |
ତେବେ ଦମକଳ ବାହିନୀ ପହଂଚି ନିଆଁକୁ ଆୟତ କରିବା ପୂର୍ବରୁ କାରରେ ବସିଥିବା ୫ ଜଣଙ୍କ ମୃତ୍ୟୁ ହୋଇଯାଇଥିଲା | ମୃତକଙ୍କ ମଧ୍ୟରେ ଜଣେ ଶିଶୁ, ଜଣେ ମହିଳା ଏବଂ ତିନି ଜଣ ପୁରୁଷ ଅଛନ୍ତି ବୋଲି ପୁଲିସ ଅନୁମାନ କରୁଛି।