ପାଟନାରେ ଏକ ଘରେ ବୋମା ଫୁଟି ୧୦ଜଣ ଆହତ

ପାଟନା: ସୋମବାର ଦିନ ବିହାର ଅନ୍ତର୍ଗତ ପାଟନା ଅଞ୍ଚଳରେ ଏକ ଘରେ ଗୋଟାଏ ବୋମା ବିସ୍ଫୋରଣ ଘଟିବାରୁ ୧୦
ଜଣ ବ୍ୟକ୍ତି ଆହତ ହୋଇଥିବା କଥା ପୁଲିସ କହିଛି।

ପାଟନାର ଗାନ୍ଧୀ ମୈଦାନ ଅନ୍ତର୍ଗତ ସଲିମ୍‌ପୁର ଆହରାର ୧ ନମ୍ବର ଗଳିରେ ଥିବା ସେ ଘରେ ବିସ୍ଫୋରଣ ଘଟିଛି। ପ୍ରାଥମିକ ବିବରଣୀ ଅନୁସାରେ, ବିସ୍ଫୋରଣ ଏତେ ପ୍ରଚଣ୍ଡ ଥିଲା ଯେ ସେଥିଯୋଗୁଁ ଦୁଇଟି ଘର କ୍ଷତିଗ୍ରସ୍ତ ହୋଇଛି। କିନ୍ତୁ, କେଉଁ କାରଣରୁ ବିସ୍ଫୋରଣ ଘଟିଲା ତାହା ଜଣାପଡ଼ିନାହିଁ।

ପୁଲିସ କହିବା ଅନୁସାରେ, ଘର ଭିତରେ ରଖାଯାଇଥିବା ବୋମା ଫୁଟିଯିବାରୁ ଦୁଇଟି ଘର କ୍ଷତିଗ୍ରସ୍ତ ହେବା ସହ ୧୦
ଜଣ ବ୍ୟକ୍ତି ଆହତ ହୋଇଛନ୍ତି। ଆହତମାନଙ୍କୁ ଡାକ୍ତରଖାନାକୁ ନିଆଯାଇଛି।

ଘଟଣାର ତଦନ୍ତ ଲାଗି ପୁଲିସ ଓ ଫୋରେନ୍‌ସିକ୍‌ ଟିମ୍‌ ଘଟଣାସ୍ଥଳରେ ପହଞ୍ଚିଛନ୍ତି।