ବରଯାତ୍ରୀ ନେଇ ଯାଉଥିବା ପିକଅପ ଭ୍ୟାନ ସହ ଅନ୍ୟ ଏକ ପିକଅପ ଭ୍ୟାନର ଧକ୍କା ହେବା ଫଳରେ ୫ ମୃତ , ୧୨ ଆହତ
ରାୟପୁର: ଗତକାଲି ବିଳମ୍ବିତ ରାତିରେ ଛତିଶଗଡ଼ର ବିଜାପୁର ଜିଲ୍ଲାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିବା ଜଣାଯାଇଛି । ଏହି ଦୁର୍ଘଟଣାରେ ୫ଜଣଙ୍କର ମୃତ୍ୟୁ ଘଟିଥିବା ବେଳେ ୧୨ ଜଣ ଆହତ ହୋଇଥିବାର ଖବର ମିଳିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ବିଜାପୁର ଜିଲ୍ଲାର ନେଲସନାର ଥାନା ଅଂଚଳରେ ୬୩ ନମ୍ବର ଜାତୀୟ ରାଜପଥରେ ଏକ ପିକଅପ ଭ୍ୟାନ ବରଯାତ୍ରୀ ନେଇ ବାହାରିଥିଲା। ଏହି ପିକ-ଅପ ଭ୍ୟାନଟି ଅନ୍ୟ ଏକ ପିକ-ଅପ ଭ୍ୟାନ ମଧ୍ୟରେ ଧକ୍କା ହେବାରୁ ଏହି ଦୁର୍ଘଟଣା ଘଟିଥିଲା ବୋଲି କୁହାଯାଉଛି। ପିକଅପ ଭ୍ୟାନରେ ଆବଶ୍ୟକତା ଠାରୁ ଅଧିକ ସଂଖ୍ୟାରେ ଯାତ୍ରୀ ଥିଲେ, ଏବଂ ଦୁଇ ଭ୍ୟାନ୍ ସନ୍ତୁଳନ ହରାଇଥିବାରୁ ଏଭଳି ଦୁର୍ଘଟଣା ଘଟିଥିବା କୁହାଯାଉଛି।
ଏହି ସଡ଼କ ଦୁର୍ଘଟଣାରେ ୫ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। ଅପରପକ୍ଷରେ ୧୨ ଜଣ ଆହତଙ୍କୁ ସ୍ଥାନୀୟ ଲୋକଙ୍କର ସହାୟତାରେ ପୁଲିସ ଭୋରମଗଡ଼ ହସ୍ପିଟାଲରେ ଭର୍ତ୍ତି କରିଥିଲା । ଦୁର୍ଘଟଣା ସଂପର୍କରେ ସୂଚନା ପାଇ ସ୍ଥାନୀୟ ବିଧାୟକ ବିକ୍ରମ ଶାହ ଘଟଣାସ୍ଥଳକୁ ଆସିଥିଲେ ଏବଂ ହସ୍ପିଟାଲକୁ ଯାଇ ପୀଡ଼ିତଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଥିଲେ ।