ଆଜି ସମ୍ପ୍ରସାରଣ ହେବ ଶିବରାଜ ଚୌହାନଙ୍କ କ୍ୟାବିନେଟ, ୫ ଜଣ ବିଧାୟକ ମନ୍ତ୍ରୀ ଭାବେ ନେବେ ଶପଥ
ଭୋପାଳ: ମଧ୍ୟପ୍ରଦେଶ କ୍ୟାବିନେଟର ସମ୍ପ୍ରସାରଣ ଆଜି ମଧ୍ୟାହ୍ନ ୧୨ ଟାରେ ହେବ। ବିଜେପିର ବିଧାୟକ ନରୋତ୍ତମ ମିଶ୍ର, କମଲ ପଟେଲ, ମୀନା ସିଂ, ତୁଲସୀ ସିଲାଭାଟ ଏବଂ ଗୋବିନ୍ଦ ସିଂ ରାଜପୁତ ମନ୍ତ୍ରୀ ଭାବେ ଶପଥ ଗ୍ରହଣ କରିବେ। କରୋନା ସଙ୍କଟ ମଧ୍ୟରେ ୨୩ ମାର୍ଚ୍ଚରେ ଶିବରାଜ ସିଂ ଚୌହାନ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ତେବେ ପୂର୍ବରୁ ଗଣମାଧ୍ୟମ ସୂତ୍ରରୁ କାହଜିଥିଲା ଯେ କ୍ୟାବିନେଟ୍ ବହୁତ ବଡ ହେବ ନାହିଁ। ଏଥିରେ କେବଳ ୬ ରୁ ୭ ଜଣ ଲୋକ ସାମିଲ ହେବେ ବୋଲି ଆଶା କରାଯାଉଥିଲା।
Sambad is now on WhatsApp
Join and get latest news updates delivered to you via WhatsApp
ମଧ୍ୟପ୍ରଦେଶ ବିଧାନସଭାରେ ମୋଟ ୨୩୦ ଟି ଆସନ ଅଛି, ସେହି ଅନୁଯାୟୀ, ମୁଖ୍ୟମନ୍ତ୍ରୀଙ୍କ ସମେତ ୩୫ ଜଣ ବିଧାୟକ ସରକାରରେ ମନ୍ତ୍ରୀ ହୋଇପାରିବେ। କରୋନା ବାବଦରେ କହିବାକୁ ଗଲେ ମଧ୍ୟପ୍ରଦେଶରେ ସଂକ୍ରମିତ ରୋଗୀଙ୍କ ସଂଖ୍ୟା ୧୪୦୦ ଅତିକ୍ରମ କରିଥିବାବେଳେ ୭୦ ରୁ ଅଧିକ ଲୋକଙ୍କର ମୃତ୍ୟୁ ଘଟିଛି।
ଏଠାରେ ସୂଚନା ଥାଉ କି କଂଗ୍ରେସର ୨୨ ବିଦ୍ରୋହୀ ବିଧାୟକଙ୍କ ଇସ୍ତଫା ପରେ କମଲ ନାଥ ସରକାର ଚଳାଇ ପାରିନଥିଲେ । ଏହା ପରେ ଶିବରାଜ ସିଂ ଚୌହାନ ୨୩ ମାର୍ଚ୍ଚ ସନ୍ଧ୍ୟାରେ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ପରଦିନ, ମାର୍ଚ୍ଚ ୨୪ ରେ, ପ୍ରଧାନମନ୍ତ୍ରୀ ୨୧ ଦିନ ପାଇଁ ଦେଶବ୍ୟାପୀ ତାଲା ପକାଇବାକୁ ଘୋଷଣା କରିଥିଲେ, ଯେଉଁ କାରଣରୁ ଶିବରାଜ ସିଂ ଚୌହାନ ତାଙ୍କ କ୍ୟାବିନେଟ ଗଠନ କରିପାରିନଥିଲେ।