କଶ୍ମୀର : ବାରାମୂଲାରୁ ୫ ସଂଦିଗ୍ଧ ଆତଙ୍କବାଦୀ ଗିରଫ
ଶ୍ରୀନଗର : ଉତ୍ତର କଶ୍ମୀରର ବାରାମୂଲା ଜିଲ୍ଲାର ସପୋର ଟାଉନରୁ ଆଜି ୫ ଜଣ ସଂଦିଗ୍ଧ ଆତଙ୍କବାଦୀ ଦୁଇ ଅଲଗା ଅଲଗା ସ୍ଥାନରୁ ଗିରଫ ହୋଇଛନ୍ତି । ଏମାନେ ପାକିସ୍ତାନ ସମର୍ଥୀତ ଆତଙ୍କବାଦୀ ସଂଗଠନ ଲସ୍କର ଇ-ତୋଇବାର ସଦସ୍ୟ ବୋଲି ସଂଦେହ କରାଯାଉଛି । ସେମାନଙ୍କ ନିକଟରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଜବତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଏମାନଙ୍କ ମଧ୍ୟରୁ ହିଲାଲ ଅହମ୍ମଦ,ସଲୀଲ ନାଜିର, ପୀରଜାଦା ମହମ୍ମଦ ଜାହିର ବିଗତ କିଛି ଦିନ ହେଲା ଲୋକମାନଙ୍କୁ ଧମକେଇବା, ଧମକପୂର୍ଣ୍ଣ ପୋଷ୍ଟର ଲଗାଇବା, ଲୋକଙ୍କ ହତ୍ୟା କରିବା କାର୍ଯ୍ୟରେ ଲିପ୍ତ ଥିଲେ ବୋଲି ଜଣାପଡିଛି । ଅନ୍ୟ ଦୁଇଜଣଙ୍କୁ କୁପଓ୍ଵାଡା ବାଇପାସ କ୍ରସିଂ ନିକଟସ୍ଥ ଏକ ଚେକପୋଷ୍ଟରୁ ସୁରକ୍ଷା ବଳ ଗିରଫ କରିଛନ୍ତି । ଏମାନଙ୍କ ନାଁ ହେଉଛି ଉଲଫତ ବସୀର ମୀର, ଅଇଜାଜ ଅହମ୍ମଦ ଭଟ୍ଟ । ଏମାନେ ମଧ୍ୟ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବା ସୁରକ୍ଷା ବଳ ପକ୍ଷରୁ କୁହାଯାଇଛି । ଏମାନଙ୍କ ପାଖରୁ ମଧ୍ୟ ବିପୁଳ ପରିମାଣରେ ବିସ୍ଫୋରକ ଜବତ ହୋଇଛି । ଏ ସଂପର୍କରେ ଅଧିକ ତଦନ୍ତ ଜାରି ରହିଛି ।