ଏହି କୁକୁର ଘରେ ରଖିଲେ ଦେବେ ୫ ହଜାର ଟଙ୍କାର ଫାଇନ
କାନପୁର: ଏଣିକି ଏହି କୁକୁର ଘରେ ରଖିଲେ ଦେବେ ଫାଇନ | ଦିନକୁ ଦିନ ଘରେ ପୋଷା ହୋଇ ରହୁଥିବା ‘ପିଟ୍ ବୁଲ୍’ ପ୍ରଜାତିର କୁକୁରଙ୍କ ଆତଙ୍କ ବଢୁଥିବାବେଳେ ଏବେ ଉତ୍ତରପ୍ରଦେଶର କାନପୁର ମ୍ୟୁନିସିପାଲିଟି କର୍ପୋରେସନ ଏକ ବଡ ନିଷ୍ପତ୍ତି ନେଇଛି | ଶନିବାର ଦିନ କାନପୁର ମ୍ୟୁନିସିପାଲଟି କର୍ପୋରେସନର ବୈଠକରେ କୁକୁର ରଖିବା ନେଇ ବଡ ନିଷ୍ପତ୍ତି ନିଆଯାଇଥିଲା | ଯଦିଓ କିଛି ସଦସ୍ୟ ଏହି ପ୍ରସ୍ତାବକୁ ବିରୋଧ କରିଥିଲେ କିନ୍ତୁ ଏହି ପ୍ରସ୍ତାବ ପାରିତ ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ମ୍ୟୁନିସିପାଲିଟି କର୍ପୋରେସନରେ ପାରିତ ହୋଇଥିବା ପ୍ରସ୍ତାବ ଅନୁଯାୟୀ, ବର୍ତ୍ତମାନ କାନପୁର ବାସିନ୍ଦା ପିଟବୁଲ ଏବଂ ରୋଟୱିଲର ପ୍ରଜାତିର କୁକୁରମାନଙ୍କୁ ନିଜ ଘରେ ରଖିପାରିବେ ନାହିଁ। କାନପୁର ମ୍ୟୁନିସିପାଲିଟି କର୍ପୋରେସନ୍ କୁକୁରମାନଙ୍କର ଏହି ପ୍ରଜାତିକୁ ବିପଜ୍ଜନକ ପ୍ରଜାତି ଭାବରେ ବିବେଚନା କରି ୨ ପ୍ରଜାତିର କୁକୁର ରଖିବାକୁ ବାରଣ କରାଯାଇଛି। ବର୍ତ୍ତମାନ କାନପୁରରେ ଯଦି କେହି ପିଟବୁଲ୍ ଏବଂ ରୋଟୱିଲର୍ କୁକୁର ରଖୁଥିବାର ଦେଖିବାକୁ ମିଳିବ ତେବେ କୁକୁର ମାଲିକଙ୍କୁ ୫ ହଜାର ଟଙ୍କା ଜରିମାନା ଦେବାକୁ ପଡିବ |
ଏହା ସହିତ କୁକୁରକୁ ମଧ୍ୟ ଘରୁ ନିଆଯାଇ ମ୍ୟୁନିସିପାଲିଟି କର୍ପୋରେସନର ପଶୁ ଜନ୍ମ ନିୟନ୍ତ୍ରଣ କେନ୍ଦ୍ରରେ ରଖାଯିବ। କାରଣ ଏହି ଦୁଇ ପ୍ରଜାତିର କୁକୁର ହିଂସ୍ର ହୋଇଥିବାବେଳେ ଅନେକ ସମୟରେ ନିଜ ମାଲିକଙ୍କୁ ଆକ୍ରମଣ କରୁଥିବାର ଖବର ସାମ୍ନାକୁ ଆସିବାରେ ଲାଗିଛି | ଉଲ୍ଲେଖ ଥାଉ କି ଗତ ଜୁଲାଇ ମାସରେ ଏକ ପିଟବୁଲ କୁକୁର ଆକ୍ରମଣରେ ଉତ୍ତରପ୍ରଦେଶ ଲକ୍ଷ୍ନୌର ଜଣେ ୮୦ବର୍ଷ ବୟସ୍କା ବୃଦ୍ଧା ପ୍ରାଣ ହରାଇଥିଲେ |