ବାହାରିବା ବେଳେ ଲିଫ୍ଟ ମଝିରେ ଚାପିହୋଇ ୫ ବର୍ଷୀୟ ନାବାଳକର ମୃତ୍ୟୁ

ପୁଲିସର ସୂଚନା ମୁତାବକ ଏଭଳି ଦୁର୍ଘଟଣା ଶନିବାର ମଧ୍ୟାହ୍ନ ୧୨.୪୫ ମିନିଟ୍ ରେ ଘଟିଥିଲା । ମହାରାଷ୍ଟ୍ରର ଧାରାବୀ ନିକଟ ପାଲବାଡୀ ଅଞ୍ଚଳରେ ରହୁଥିବା ହୋଜେଫା ଓ ତାଙ୍କର ୩ ଭଉଣୀ ଚତୁର୍ଥ ମହଲାକୁ ଯିବାକୁ ଲିଫ୍ଟ ଭିତରେ ପଶିଥିଲେ । ହେଲେ ଯେତେବେଳେ ଚଥୁର୍ଥ ମହଲା ଆସିଲା ଅନ୍ୟ ୩ ଭଉଣୀ ଲିଫ୍ଟରୁ ବାହାରି ଗଲେ, ହେଲେ ହୋଜେଫା ଲିଫ୍ଟରୁ ବାହାରିବା ସମୟରେ ଲିଫ୍ଟ ଦ୍ୱାର ନିକଟରେ ଚାପି ହୋଇଯାଇଥିଲେ । ଏହା ପରେ ଲିଫ୍ଟ ଉପରକୁ ଯିବାକୁ ଲାଗିଲା ଓ ହୋଜେଫ୍ର ଶରୀର ଲିଫ୍ଟର ଧାରରେ ଖଣ୍ଡ ଖଣ୍ଡ ହୋଇ କଟିବାକୁ ଲାଗିଲା।
ଏହାଦେଖି ତୁରନ୍ତ ଅଗ୍ନିସମ ବିଭାଗ ଓ ପୁଲିସକୁ ସୂଚନା ଦିଆଗଲା । ହେଲେ ସେମାନେ ପହଂଚି ହୋଜେଫ୍ କୁ ଉଦ୍ଧାର କରିବା ବେଳକୁ ହୋଜେଫ୍ ର ମୃତ୍ୟୁ ହୋଇସାରିଥିଲା । ଅନ୍ୟପଟେ ଏନେଇ ସିସିଟିଭି ଫୁଟେଜ୍ ଯାଞ୍ଚ କରିଛି ପୁଲିସ। ହେଲେ ସିସିଟିଭି ଫୁଟେଜରୁ କୌଣସି ସନ୍ଦିଗ୍ଧର ସୂଚନା ନମିଳିବାରୁ ପୁଲିସ ଏହାକୁ ଏକ ଦୁର୍ଘଟଣାଜନିତ ମୃତ୍ୟୁ ବୋଲି ରିପୋର୍ଟ କରିଛି ।