ଭୁବନେଶ୍ୱର : ଫନି ତାଣ୍ଡବ କିଭଳି ଭୟଙ୍କର ଥିଲା ତାହା ଏବେ ପରିଲକ୍ଷିତ ହେଉଛି। କାରଣ ବାତ୍ୟା ବେଳେ ଏହାର କରାଳ ରୂପ ଦେଖିବାକୁ ମିଳିଥିଲା।  ମାତ୍ର ଏହା କରିଥିବା କ୍ଷୟକ୍ଷତି ଏବେ ପ୍ରଭାବିତଙ୍କ ଜୀବନକୁ ଦୁର୍ବିସହ କରିଛି। ଜଳ ଓ ବିଦ୍ୟୁତ ବିହୀନ ଜୀବନ ଅତ୍ୟନ୍ତ ଭାରୀ ପଡ଼ିଛି। ବାତ୍ୟା ପରବର୍ତ୍ତୀ ସମୟର ଅବସ୍ଥା ଉପରେ ଏକ ନଜର।

Advertisment

publive-image

ଉଦ୍ଧାର କାର୍ଯ୍ୟ ଜୋରଦାର- ଓଡ଼ିଶାରେ ପ୍ରଳୟ ରଚିଥିବା  ଫନି ନିଜ ଫଣାରେ ପୁରୀ, ଭୁବନେଶ୍ୱର ଓ କଟକ ଭଳି ସହରକୁ ନିଜ କବଳକୁ ନେଇ ବ୍ୟାପକ ବିନାଶ କରିଦେଇଛି । ଏହାର ପୁନଃରୁଦ୍ଧାର ପାଇଁ ସରକାର ବ୍ୟାପକ ପ୍ରସ୍ତୁତି ଚଳାଇଛନ୍ତି । ରାସ୍ତା ଓ ଘର ଉପରେ ପଡ଼ି ରହିଥିବା ଗଛ ଗୁଡ଼ିକୁ ତୁରନ୍ତ କାଟି ଗମନାଗମନକୁ ସଠିକ୍ କରିବା ପାଇଁ ଏବଂ ବିଭିନ୍ନ ସମସ୍ୟାକୁ ଯୁଦ୍ଧକାଳୀନ ଭିତ୍ତିରେ ପୂନଃରୁଦ୍ଧାର କରିବା ପାଇଁ ଓଡ଼୍ରାଫ, ଏନଡ଼ିଆରଏଫ ଏବଂ ରାଜ୍ୟ ସରକାରଙ୍କ ୧ ଲକ୍ଷ କର୍ମଚାରୀ ଦିନରାତି ଏକ କରି କାର୍ଯ୍ୟ କରୁଛନ୍ତି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

publive-image sakshi.com

ଟଙ୍କା ମିଳୁନି, ତେଲ ମିଳୁନି- ବାତ୍ୟାରେ ଅନେକ ଧନଜୀବନ ନଷ୍ଟ ହୋଇଯାଇଥିବା ବେଳେ ବାତ୍ୟା ପରର ଦୃଶ୍ୟ ଆହୁରି ଉଦବେଗଜନକ । ୪୦ ଘଣ୍ଟା ବିତିଯାଇଥିଲେ ବି ଏପର୍ଯ୍ୟନ୍ତ ଲୋକଙ୍କ ପାଖରେ ଟଙ୍କା ନଥିବା ବେଳେ ଏଟିଏମରେ ମଧ୍ୟ ଟ୍ରାଞ୍ଜାକସନ ହୋଇପାରୁନାହିଁ । ଅନେକ ଏଟିଏମରେ ତାଲା ଝୁଲୁଥିବାରୁ ପାଖରେ ଟଙ୍କା ନପାଇଁ ଅସୁବିଧାର ସମ୍ମୁଖୀନ ହେଉଛନ୍ତି ଜନସାଧାରଣ । ସେପଟେ ପେଟ୍ରୋଲ ପମ୍ପ ଗୁଡିକରେ ଦେଖିବାକୁ ମିଳୁଛି ଲମ୍ବା ଲାଇନ୍ । ତେଲ ପାଇଁ ପେଟ୍ରୋଲ ପମ୍ପରେ ଜମୁଛି ପ୍ରବଳ ଭିଡ । ଲମ୍ବା ଲାଇନରେ ଲୋକମାନେ ଘଣ୍ଟା ଘଣ୍ଟା ଧରି ଅପେକ୍ଷା କରିବା ପରେ ଗାଡିରେ ତେଲ ପକାଉଥିବାର ଦେଖିବାକୁ ମିଳୁଛି ।

publive-image Zee News

ସହାୟତା ପାଇଁ ଅପିଲ୍-ଭୟଙ୍କର ବାତ୍ୟା ‘ଫନି’ ପ୍ରକୋପରେ ଉଜୁଡ଼ି ଯାଇଥିବା ଓଡ଼ିଶାକୁ ଗଢ଼ି ତୋଳିବା ପାଇଁ ସହାୟତା କରିବାକୁ ଆହ୍ୱାନ । ବଲିଉଡ଼ କଳାକାର, କ୍ରିକେଟରଙ୍କ ଠାରୁ ଆରମ୍ଭ କରି ସୋସିଆଲ ମିଡ଼ିଆରେ ମୁଖ୍ୟମନ୍ତ୍ରୀଙ୍କ ଅପିଲ୍ । ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି, ଓପନିଂ ବ୍ୟାଟ୍ସମ୍ୟାନ ରୋହିତ ଶର୍ମା, ପୂର୍ବତନ କ୍ରିକେଟର ବିରେନ୍ଦ୍ର ସେହଓ୍ଵାଗ, ହରଭଜନ ସିଂ ପ୍ରମୁଖ ଟ୍ଵିଟ କରି ଓଡିଶା ବାସୀଙ୍କ ନିରାପଦ କାମନା କରିଛନ୍ତି । ସେହିଭଳି ବଲିଉଡ କଳାକାରମାନେ ମଧ୍ୟ ଓଡିଶାବାସୀଙ୍କ ନିରାପଦ କାମନା କରିବା ସହ ମହାପ୍ରଭୁ ଜଗନ୍ନାଥ ଓଡିଶାବାସୀଙ୍କୁ ଏଭଳି ପରିସ୍ଥିତି ସହ ଲଢେଇ କରିବାକୁ ଶକ୍ତି ଦିଅନ୍ତୁ ବୋଲି କହିଛନ୍ତି । ରିତେଶ ଦେଶମୁଖ, ଅଭିଷେକ ବଚ୍ଚନ ଓ ଟେରେନ୍ସ ଲୁଇସ ମଧ୍ୟ ରାଜ୍ୟବାସୀଙ୍କ ନିରାପଦ କାମନା କରି ଟ୍ୱିଟ୍ କରିଛନ୍ତି ।