ଭାରତରେ ଚାଲିଥିବା କରୋନା ଲଢେଇ ପାଇଁ ପୋଲାଣ୍ଡରୁ ୫୦ଟି ଅକ୍ସିଜେନ କନସେଣ୍ଟରେଟର୍ସ କିଣିଲେ ଅମିତାଭ ବଚ୍ଚନ
ମୁମ୍ବାଇ: କରୋନା ମହାମାରୀ ସମୟରେ ବଲିଉଡ ସେଲିବ୍ରିଟିମାନେ ମଧ୍ୟ କରୋନା ବିରୋଧରେ ଚାଲିଥିବା ଲଢେଇରେ ନିରନ୍ତର ସହଯୋଗ କରୁଛନ୍ତି। ଅମିତାଭ ବଚ୍ଚନ ଏପରି ସେଲିବ୍ରିଟିମାନଙ୍କ ମଧ୍ୟରେ ଅଛନ୍ତି ଯେଉଁମାନେ କରୋନା ପୀଡିତଙ୍କ ପାଇଁ ଆବଶ୍ୟକ ଅକ୍ସିଜେନ କନସେଣ୍ଟରେଟର୍ସ ଏବଂ ଭେଣ୍ଟିଲେଟର ଦାନ କରୁଛନ୍ତି | ଅମିତାଭ ତାଙ୍କ ବ୍ଲଗ୍ ମାଧ୍ୟମରେ ସୂଚନା ଦେଇ ଲେଖିଛନ୍ତି ଯେ ‘ଅକ୍ସିଜେନ କନସେଣ୍ଟରେଟର୍ସର ଚାହିଦା ସର୍ବାଧିକ ରହିଛି | ସେଗୁଡିକ ପାଇବା କଷ୍ଟକର ହେବାରୁ ହେଲା, ମୁଁ ରୋକଲା(ପୋଲାଣ୍ଡର ଏକ ସହର) ଠାରେ ରହୁଥିବା ମୋର ବନ୍ଧୁ ଏବଂ ଭାରତୀୟ ଦୂତାବାସ ସହ ଯୋଗାଯୋଗ କଲି |
Sambad is now on WhatsApp
Join and get latest news updates delivered to you via WhatsApp
ସେମାନେ ଜରୁରୀକାଳୀନ ପରିସ୍ଥିତିରେ ବ୍ୟବହାର କରିବାକୁ ଏକ ପୋର୍ଟେବଲ୍ ଅକ୍ସିଜେନ କନସେଣ୍ଟରେଟର୍ସ ପଠାଇବାକୁ ପ୍ରସ୍ତାବ ଦେଲେ, କିନ୍ତୁ ମୁଁ ତାଙ୍କୁ ବୁଝାଇବାକୁ ଚେଷ୍ଟା କଲି | ଏହାପରେ ସେମାନେ ମୋତେ ଏକ ପୋଲାଣ୍ଡ କମ୍ପାନୀର ନାମ ଏବଂ ସୂଚନା ଦେଇଥିଲେ ଯାହା ଅକ୍ସିଜେନ କନସେଣ୍ଟରେଟର୍ସ ତିଆରି କରେ | ମୁଁ ତୁରନ୍ତ ୫୦ଟି ଅକ୍ସିଜେନ କନସେଣ୍ଟରେଟର୍ସ ଅର୍ଡର କଲି’ | ଅମିତାଭ ଆହୁରି କହିଛନ୍ତି ଯେ ଅକ୍ସିଜେନ କନସେଣ୍ଟରେଟର୍ସଗୁଡିକ ମେ ୧୫ ସୁଦ୍ଧା ଭାରତକୁ ଆସିଯିବ |
କେବଳ ଏତିକି ନୁହେଁ ଭାରତର ସ୍ଥିତିକୁ ଦେଖି ପୋଲାଣ୍ଡ ଏୟାରଲାଇନ୍ସ ପକ୍ଷରୁ ଭଡା ଛଡା କରାଯାଇଛି | ଆଉ ଏଥିପାଇଁ ଅମିତାଭ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି | ବିଗ୍ ବି କହିଛନ୍ତି ଯେ ଏହି ଅକ୍ସିଜେନ କନସେଣ୍ଟରେଟର୍ସଗୁଡିକ ୫ ଲିଟର ହୋଇଥିବାବେଳେ ଆଗାମୀ ଦିନରେ ୧୦ ଲିଟର କ୍ଷମତା ସମ୍ପନ୍ନ ଅକ୍ସିଜେନ କନସେଣ୍ଟରେଟର୍ସ କିଣିବେ |