ନୂଆଦିଲ୍ଲୀ: ଏଣିକି ଟ୍ରେନରେ ଯାତ୍ରା କରୁଥିଲେ ଆଉ ମାସ୍କ ପିନ୍ଧୁ ନଥିଲେ ଆପଣଙ୍କୁ ୫୦୦ ଟଙ୍କା ଜରିମାନା ଦେବାକୁ ପଡିବ | ଭାରତୀୟ ରେଳ ପକ୍ଷରୁ ଆଜି ସ୍ୱତନ୍ତ୍ର ନିର୍ଦ୍ଦେଶାବଳୀ ଜାରି କରାଯାଇଛି | ଆଉ ଏଥିରେ କୁହାଯାଇଛି ଯେ ଟ୍ରେନ ବଗି ଭିତରେ କିମ୍ବା ଷ୍ଟେସନରେ ମାସ୍କ ନ ପିନ୍ଧିଲେ ୫୦୦ ଟଙ୍କା ଜରିମାନା ଦେବାକୁ ପଡିବ | ଆଗାମୀ ୬ ମାସ ଯାଏଁ ଏହି ନିୟମ ବଳବତ୍ତର ରହିବ ବୋଲି କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ରେଳ ବୋର୍ଡ ଅଧ୍ୟକ୍ଷ ସୁନିତ ଶର୍ମା କହିଛନ୍ତି ଯେ ଟ୍ରେନରେ ଯାତ୍ରା କରୁଥିବା ଯାତ୍ରୀମାନେ କୋଭିଡ-୧୯ ନେଗେଟିଭ ହୋଇଥିବା ଜରୁରୀ | ସେ ଆହୁରି କହିଛନ୍ତି ଯେ କେନ୍ଦ୍ର ଓ ରାଜ୍ୟ ସରକାର ଜାରି କରିଥିବା କୋଭିଡ-୧୯ ନିର୍ଦ୍ଦେଶନାମା ଅନୁଯାୟୀ ଯାତ୍ରୀମାନଙ୍କୁ ନିୟମାବଳୀ ପାଳନ କରିବାକୁ ପଡିବ | ସେହିପରି କୋଭିଡ-୧୯ ମହାମାରୀ ଓ ସ୍ୱଚ୍ଛତାକୁ ନଜରରେ ରଖି ରେଳ ମନ୍ତ୍ରାଳୟ ପକ୍ଷରୁ ଯାତ୍ରା ସମୟରେ ଭୋଜନ ସେବାକୁ ବନ୍ଦ କରିଦିଆଯାଇଛି |
Indian Railways is taking various measures to contain the spread of the resurgence of Covid-19 pandemic. One of the specific guideline is to wear face masks/covers.
Fine upto Rs 500 shall be imposed on persons for not wearing a face mask/cover in Rly. premises(including trains) pic.twitter.com/VfnWzC2qFC— Ministry of Railways (@RailMinIndia) April 17, 2021
ଟ୍ରେନରେ ରେଡି ଟୁ ଇଟ(ଆରଟିଇ) ଭୋଜନ ଚାଲୁ କରିବାକୁ ନିର୍ଦ୍ଦେଶ ଦେଇଥିଲେ | ସୂଚନା ଥାଉ କି ରେଳ ମନ୍ତ୍ରାଳୟ ପକ୍ଷରୁ ବର୍ତ୍ତମାନ ସାରା ଦେଶରେ ପ୍ରତିଦିନ ୧୪୦୨ଟି ଟ୍ରେନ ଚଳାଯାଉଛି | ଏଥିରେ ୮୩୦ଟି ପାସେଞ୍ଜର ଟ୍ରେନ ରହିଛି |