ରାମ ମନ୍ଦିର ନିର୍ମାଣ ପାଇଁ ଜଣେ ଭକ୍ତ ନିର୍ମାଣ କରୁଛନ୍ତି ୫୧ ହଜାର ଇଟା
ଅଯୋଧ୍ୟା: ଅଯୋଧ୍ୟା ଜମି ବିବାଦକୁ ନେଇ ସୁପ୍ରିମକୋର୍ଟଙ୍କ ରାୟ ଆସିବା ପରେ ଏବେ ଭଗବାନ ରାମଙ୍କ ଭକ୍ତ ଖୁବ ଶୀଘ୍ର ମନ୍ଦିର ଦେଖିବାକୁ ଚାହୁଁଛନ୍ତି | ବର୍ତ୍ତମାନ ଏମିତି ଜଣେ ଭକ୍ତ ଏହି ମନ୍ଦିର ନିର୍ମାଣ ପାଇଁ ନିଜ ପକ୍ଷରୁ ପ୍ରୟାସ ଆରମ୍ଭ କରିଛନ୍ତି | ସନ୍ଦୀପ ବର୍ମା ନାମକ ଜଣେ ଇଟା ଭାଟି ମାଲିକ ଏବେ ରାମ ମନ୍ଦିର ପାଇଁ ଇଟା ଗଢିବା କାମ ଆରମ୍ଭ କରିଦେଇଛନ୍ତି | ସନ୍ଦୀପ ନିଷ୍ପତ୍ତି ନେଇଛନ୍ତି ଯେ ସେ ୫୧ ହଜାର ଇଟା ନିର୍ମାଣ କରାଇବେ | ଏହି ଇଟାରେ ‘ରାମ’ ନାମ ଲେଖା ହୋଇଥିବାବେଳେ ବର୍ତ୍ତମାନ ସୁଦ୍ଧା ୪ ହଜାର ଇଟା ନିର୍ମାଣ ସରିଗଲାଣି |
Sambad is now on WhatsApp
Join and get latest news updates delivered to you via WhatsApp
ରାମ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହେବା ସୁଦ୍ଧା ବଳକା ୪୭ ହଜାର ଇଟା ପ୍ରସ୍ତୁତ ହୋଇଯିବ ବୋଲି ସନ୍ଦୀପ କହିଛନ୍ତି | ବଡ କଥା ଯେ ଏହି ଇଟା ନିର୍ମାଣ ପାଇଁ ସନ୍ଦୀପ ନିଜ ଶ୍ରମିକଙ୍କ ପାଇଁ କିଛି ନିୟମ ମଧ୍ୟ ଧାର୍ଯ୍ୟ କରିଛନ୍ତି | ଯେଉଁଠାରେ ଇଟା ନିର୍ମାଣ ହେଉଛି ସେହି ସ୍ଥାନକୁ ଚପଲ ପିନ୍ଧି ଯିବାକୁ ସମ୍ପୂର୍ଣ୍ଣ ନିଷେଧ କରାଯାଇଛି |
ସେହିପରି ଅନ୍ୟ ଇଟା ଅପେକ୍ଷା ଏହି ଇଟାରେ ସ୍ୱତନ୍ତ୍ର ମାଟିୟାରୀ ମାଟି ବ୍ୟବହାର କରାଯାଉଛି | ଯାହାକି ଅନ୍ୟ ଇଟା ଅପେକ୍ଷା ଅଧିକ ଦୀର୍ଘସ୍ଥାୟୀ ଓ ଦୃଢ ହୋଇଥାଏ | ୧୬ ଜଣ ଶ୍ରମିକ ଏବେ ଏହି ଇଟା ନିର୍ମାଣରେ ଲାଗିପଡିଥିବାବେଳେ ଦିନ ରାତି ଇଟା ତିଆରି କରୁଛନ୍ତି |