ଆମେରିକାରେ ୫୬ ହଜାର ଟପିଲା କରୋନା ମୃତକଙ୍କ ସଂଖ୍ୟା
ନ୍ୟୁୟର୍କ: ସାରା ବିଶ୍ୱରେ କରୋନା ଭୂତାଣୁ ମହାମାରୀର ପ୍ରଭାବ ବଢ଼ିବାରେ ଲାଗିଛି। ଏହି ମହାମାରୀର ସବୁଠାରୁ ଭୟଙ୍କର ବିସ୍ଫୋରଣ ମହାଶକ୍ତି ଦେଶ ଭାବେ ପରିଗଣିତ ଆମେରିକାରେ ହୋଇଛି | ଗତ ୨୪ ଘଣ୍ଟା ମଧ୍ୟରେ ଆମେରିକାରେ କରୋନା ଯୋଗୁଁ ୧୩୦୩ ଜଣଙ୍କର ମୃତ୍ୟୁ ହୋଇଛି । ଆମେରିକାରେ ପ୍ରତିଦିନ ପ୍ରାୟ ୧୦୦୦ ରୁ ଅଧିକ ଲୋକ ପ୍ରାଣ ହରାଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ଜନ୍ ହପକିନସ ବିଶ୍ୱବିଦ୍ୟାଳୟ ଅନୁଯାୟୀ, ଆମେରିକାରେ ବର୍ତ୍ତମାନ ପର୍ଯ୍ୟନ୍ତ ୫୬ ହଜାର ୧୬୪ ଜଣଙ୍କର ମୃତ୍ୟୁ ହୋଇଛି। ଏଥି ସହିତ, ଆମେରିକାରେ ଏପର୍ଯ୍ୟନ୍ତ ପ୍ରାୟ ୯ ଲକ୍ଷ ୮୭ ହଜାର ଲୋକ କରୋନାରେ ସଂକ୍ରମିତ ହୋଇଛନ୍ତି | ଆମେରିକାରେ ଜାନୁଆରୀରୁ କରୋନା ଭୂତାଣୁଙ୍କ ଯୋଗୁଁ ପୀଡିତଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇଛି।
ଗତ ଚାଳିଶ ଦିନ ଧରି, ଆମେରିକାରେ ଷ୍ଟେ ଆଟ ହୋମ (ଘରେ ରହିବା) ଆଦେଶ ବଳବତ୍ତର ରହିଛି, ଏହି କାରଣରୁ ପ୍ରାୟ ୯୦ ପ୍ରତିଶତ ଆମେରିକୀୟ ଲୋକ ସେମାନଙ୍କ ଘରେ ଅଛନ୍ତି। ବର୍ତ୍ତମାନ ପର୍ଯ୍ୟନ୍ତ ଆମେରିକାରେ ୫୫ ନିୟୁତ ନମୁନା ପରୀକ୍ଷା କରାଯାଇଛି |