ନିଜର ପ୍ରତିଶୋଧ ପୂରଣ ପାଇଁ ୫୮ଟି ଗାଈକୁ ବିଷ ଦେଇ ହତ୍ୟା କଲା ଯୁବକ
ନୋଏଡା: ନିଜର ପ୍ରତିଶୋଧ ପୂରଣ ପାଇଁ ୫୮ଟି ଗାଈକୁ ବିଷ ଦେଇ ହତ୍ୟା କଲା ଯୁବକ | ଉତ୍ତରପ୍ରଦେଶ ନୋଏଡାର ସୁରଜପୁରରେ ଜଣେ ବ୍ୟକ୍ତିଙ୍କ ୫୮ଟି ଗାଈକୁ ବିଷ ଦେଇ ହତ୍ୟା କରିଥିବା ଜଣେ ଅଭିଯୁକ୍ତକୁ ପୁଲିସ ଗିରଫ କରିଛି। ପୁଲିସ କମିଶନର ଆଲୋକ ସିଂ କହିଛନ୍ତି ଯେ ସୁରଜପୁର ଗାଁରେ ଓମବୀର ନାଗରଙ୍କର ଏକ ଗୋଶାଳା ଥିଲା | ଯେଉଁଠାରେ ସେ ଶତାଧିକ ଗାଈ ରଖିଛନ୍ତି। ତେବେ ଓମବୀରଙ୍କ ଫାର୍ମରେ ଗତ ୫ ଦିନ ମଧ୍ୟରେ ୫୮ଟି ଗାଈଙ୍କର ସନ୍ଦେହଜନକ ଅବସ୍ଥାରେ ମୃତ୍ୟୁ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ସେ ପୁଲିସ ନିକଟରେ ଅଭିଯୋଗ କରିଥିଲେ। ଯେତେବେଳେ ପୁଲିସ ପ୍ରାଣୀ ଚିକିତ୍ସକଙ୍କ ଏକ ଟିମକୁ ଡାକି ଏହାର ଅନୁସନ୍ଧାନ କଲା, ସେତେବେଳେ ବିଷଜନିତ କ୍ରିୟାରୁ ଗାଈମାନଙ୍କର ମୃତ୍ୟୁ ହୋଇଥିବା ଜଣାପଡିଥିଲା। ଏହା ପରେ ପୁଲିସ ଏହି ଘଟଣାର ଅନୁସନ୍ଧାନ କରିଥିଲା | ଆଉ ଆଜି ଫାର୍ମର ଜଣେ ପୂର୍ବତନ କର୍ମଚାରୀ ଧର୍ମେନ୍ଦ୍ରଙ୍କୁ ସନ୍ଦେହରେ ଅଟକ ରଖି ପଚରାଉଚୁରା କରିଥିଲା |
ପଚରାଉଚରା ବେଳେ ପୁଲିସ ଜାଣିବାକୁ ପାଇଲା ଯେ ଧର୍ମେନ୍ଦ୍ର ସବୁବେଳେ ନିଶା ସେବନ କରନ୍ତି, ଯେଉଁଥିପାଇଁ ତାଙ୍କୁ ଫାର୍ମରୁ କାଢିଦିଆଯାଇଥିଲା | ଏଥିରେ ରାଗିଯାଇ ସେ ପାଣିରେ ବିଷ ମିଶାଇଦେଇଥିଲେ, ଆଉ ଏହି କାରଣରୁ ଗାଈମାନେ ବିଷାକ୍ତ ପାଣି ପିଇବା ପରେ ମରିଯାଇଥିଲେ | ଏବେ ପୁଲିସ ଅଭିଯୁକ୍ତକୁ ଗିରଫ କରିଛି |