୨୦୨୩ ମାର୍ଚ୍ଚ ସୁଦ୍ଧା ଦେଶରେ ଆରମ୍ଭ ହେବ ୫-ଜି ମୋବାଇଲ ସେବା
ନୂଆଦିଲ୍ଲୀ : ନୂଆ ଆର୍ଥିକ ବର୍ଷ ଅର୍ଥାତ ୨୦୨୨-୨୩ରେ ଦେଶରେ ୫ଜି ମୋବାଇଲ ସେବା ଆରମ୍ଭ ହେବ । ଆଜି ଲୋକସଭାରେ ନିଜର ବଜେଟ୍ ଅଭିଭାଷଣରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏ ସମ୍ପର୍କରେ ଘୋଷଣା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅର୍ଥମନ୍ତ୍ରୀ କହିଛନ୍ତି ଯେ ଦେଶରେ ୫ଜି ସେବା ଆରମ୍ଭ ପାଇଁ ୨୦୨୨ରେ ହିଁ ୫ଜି ସ୍ପେକ୍ଟ୍ରମ ନିଲାମ ହେବ ଓ ୨୦୨୩ ମାର୍ଚ୍ଚ ପୂର୍ବରୁ ହିଁ ଦେଶରେ ୫-ଜି ସେବା ଆରମ୍ଭ ହେବ । ଦେଶରେ ଏକ ସୁଦୃଢ ୫-ଜି ବାତାବରଣ ସୃଷ୍ଟି ପାଇଁ ଡିଜାଇନ ଭିତ୍ତିକ ଉତ୍ପାଦନ କ୍ଷେତ୍ରକୁ ପ୍ରେତ୍ସାହନ ଦିଆଯିବ । ପିଏଲଆଇ ବା ଉତ୍ପାଦନ ଭିତ୍ତିକ ପ୍ରେତ୍ସାହନ ସ୍କିମ ମାଧ୍ୟମରେ ଏହି ପ୍ରେତ୍ସାହନ ଦିଆଯିବ ।
ଭାରତ ନେଟ ପ୍ରକଳ୍ପ ଅଧିନରେ ଦେଶର ସବୁ ଗ୍ରାମକୁ ଅପ୍ଟିକାଲ ଫାଇବର ସଂଯୋଗ କରାଯିବ । ଏଥିପାଇଁ ୨୦୨୨ ଓ ୨୦୨୩ରେ ଠିକା ପ୍ରଦାନ କରାଯିବ ଓ ୨୦୨୫ ସୁଦ୍ଧା ଅପଟିକାଲ ଫାଇବର ବିଛାଇବା କାମ ସଂପୂର୍ଣ୍ଣ ହେବ ।