ଦେଶ ସହ ବିଶ୍ବାସଘାତକତା ! ନୌସେନାର ଗୋପନ ତଥ୍ୟ ପ୍ରଦାନ ଅଭିଯୋଗରେ ୬ ଜଣଙ୍କୁ ଗିରଫ କଲା ସିବିଆଇ
ନୂଆଦିଲ୍ଲୀ : ସଂଦିଗ୍ଧ ବ୍ୟକ୍ତିଙ୍କୁ ନୌସେନାର ଗୋପନ ସୂଚନା ପ୍ରଦାନ ଅଭିଯୋଗରେ ସିବିଆଇ ୬ ଜଣଙ୍କ ବିରୋଧରେ ଚାର୍ଜସିଟ ଦାଖଲ କରିଛି । ଏହି ୬ ଜଣଙ୍କ ମଧ୍ୟରେ ଭାରତୀୟ ନୌସେନାର ୨ ଜଣ ସେବାରତ ଓ ୨ ଜଣ ଅବସରପ୍ରାପ୍ତ କମାଣ୍ଡର ଅଛନ୍ତି । ଦୁର୍ନୀତି ନିବାରଣ ଆଇନ ଓ ଭାରତୀୟ ଦଣ୍ଡବିଧି ଆଇନ ଅଧିନରେ ଏହି ୬ ଜଣ ବ୍ୟକ୍ତିଙ୍କ ବିରୋଧରେ ଚାର୍ଜସିଟ ଦାଖଲ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସିବିଆଇ ସୁତ୍ରରୁ ମିଳିଥିବା ସୂଚନା ଅନୁସାରେ ଏହି ବ୍ୟକ୍ତିମାନେ ନୌସେନାର କିଲୋ କ୍ଲାସ ବୁଡ଼ାଜାହାଜର ଏମଆରଏଲସି କାର୍ଯ୍ୟକ୍ରମ ସମ୍ପର୍କରେ କେତେକ ଅଣକ୍ଷମତାପ୍ରାପ୍ତ ବ୍ୟକ୍ତିଙ୍କୁ ତଥ୍ୟ ପ୍ରଦାନ କରୁଥିଲେ । ଗତ ସେପ୍ଟେମ୍ବର ୩ ତାରିଖରେ ସିବିଆଇ ନୌସେନାର ଦୁଇ ଅବସରପ୍ରାପ୍ତ କର୍ମଚାରୀ କମୋଡୋର ରଣଦୀପ ସିଂ ଓ ଏସଜେ ସିଂଙ୍କୁ ଗିରଫ କରିବା ପରେ ଏ ସମ୍ପର୍କରେ ଜଣାପଡ଼ିଥିଲା । କମୋଡୋର ରଣଦୀପ ସିଂଙ୍କ ଘର ତଲାସୀ ବେଳେ ନଗଦ ୨ କୋଟି ଟଙ୍କା ମିଳିଥିଲା । ଏହି ଦୁଇଜଣଙ୍କଠାରୁ ମିଳିଥିବା ସୂଚନା ଅନୁସାରେ ସିବିଆଇ ପଶ୍ଚିମାଞ୍ଚଳ ନାଭାଲ କମାଣ୍ଡରେ ଅବସ୍ଥାପିତ କମାଣ୍ଡର ଅଜିତ କୁମାର ପାଣ୍ଡେ ଓ ତାଙ୍କ ଅଧିନରେ କାର୍ଯ୍ୟରତ ଆଉ ଜଣେ କମାଣ୍ଡରଙ୍କୁ ଗିରଫ କରିଥିଲା । ଏହି ଦୁଇଜଣ ସେବାରତ କମାଣ୍ଡର ନୌସେନାର ତଥ୍ୟ ପୂର୍ବୋକ୍ତ ଅବସରପ୍ରାପ୍ତ କର୍ମଚାରୀଙ୍କୁ ଦେଉଥିଲେ । ସେମାନେ ତଥ୍ୟକୁ ବିଦେଶୀ କମ୍ପାନିଙ୍କୁ ପ୍ରଦାନ କରୁଥିଲେ ।