ନୂଆଦିଲ୍ଲୀ: ନିଟ୍ ପେପର ଲିକ୍ ମାମଲାରେ ବିହାର ପୁଲିସ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଝାଡଖଣ୍ଡର ଦେଓଘର ଜିଲ୍ଲାରୁ ବିହାର ପୁଲିସ ୬ ଜଣଙ୍କୁ ବିହାର ଅଣାଯାଇଛି।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ପୁଲିସର ସୂଚନା ଅନୁସାରେ ମେଡିକାଲ ପ୍ରବେଶିକା ପରୀକ୍ଷା ନିଟ୍ ରେ ଅନିୟମିତତା ଅଭିଯୋଗରେ ଝାଡ଼ଖଣ୍ଡର ଦେଓଘର ଜିଲ୍ଲାରୁ ୬ ଜଣଙ୍କୁ ଅଟକ ରଖାଯାଇଛି। ଶୁକ୍ରବାର ରାତିରେ ଦେବୀପୁର ଥାନା ଅନ୍ତର୍ଗତ ଏମ୍ସ-ଦେଓଘର ନିକଟରେ ଥିବା ଏକ ଘରୁ ସେମାନଙ୍କୁ ଅଟକ ରଖାଯାଇଥିଲା।
ଦେଓଘର ସଦର ଏସଡିପିଓ ରିତ୍ବିକ ଶ୍ରୀବାସ୍ତବ କହିଛନ୍ତି, ବିହାର ପୁଲିସ ଆମକୁ ସୂଚନା ଦେଇଥିଲା। ଆମ ପରିଚୟ ଆଧାରରେ ସେମାନଙ୍କୁ ଅଟକ ରଖାଯାଇଥିଲା। ସମସ୍ତ ସନ୍ଦିଗ୍ଧଙ୍କୁ ବିହାର ନିଆଯାଇଛି। ସନ୍ଦିଗ୍ଧମାନେ ଝୁନୁ ସିଂ ନାମକ ଜଣେ ବ୍ୟକ୍ତିଙ୍କ ଘରେ ରହୁଥିବା ଅଭିଯୋଗ ହୋଇଛି।
ସେମାନେ ହେଲେ ପରମଜିତ୍ ସିଂହ ଓରଫ ବିଟ୍ଟୁ, ଚିଣ୍ଟୁ ଓରଫ ବଳଦେବ କୁମାର, କାଜୁ ଓରଫ ପ୍ରଶାନ୍ତ କୁମାର, ଅଜିତ କୁମାର, ରାଜୀବ କୁମାର ଓରଫ କାରୁ (ସମସ୍ତେ ବିହାରର ନାଳନ୍ଦା ଜିଲ୍ଲାର ବାସିନ୍ଦା) ଓ ପାଙ୍କୁ କୁମାର।
ଏହି ମାମଲାରେ ବିହାର ବ୍ୟତୀତ ଅନେକ ରାଜ୍ୟରୁ ମଧ୍ୟ ଅଭିଯୁକ୍ତ ଧରାପଡ଼ିଛନ୍ତି। ଜଣେ ଚତୁର୍ଥ ପାସ୍ ଟ୍ରାକ୍ଟର ଚାଳକକୁ ମଧ୍ୟ ବିହାରର ରୋହତାସ ଜିଲ୍ଲାରୁ ଗିରଫ କରାଯାଇଛି। ଏହି ମାମଲାରେ ପୁଲିସ ଏପର୍ଯ୍ୟନ୍ତ ୧୩ ଜଣ ଅଭିଯୁକ୍ତଙ୍କୁ ଗିରଫ କରିଛି। ଏମାନଙ୍କ ମଧ୍ୟରେ ଅଛନ୍ତି ୩୮ ବର୍ଷୀୟ ବିଟ୍ଟୁ ସିଂ। ଚତୁର୍ଥ ପାସ୍ ବିଟ୍ଟୁ ସିଂହ ପ୍ରଥମେ ଟ୍ରାକ୍ଟର ଚଳାଉଥିଲା, କିନ୍ତୁ ପରେ ସିକନ୍ଦର ଯଦୁବେନ୍ଦ୍ରଙ୍କ ବ୍ୟକ୍ତିଗତ ଡ୍ରାଇଭର ହୋଇଥିଲା। ଏହି ପେପର ଲିକ୍ ରେ ସିକନ୍ଦରର ଗୁରୁତ୍ୱପୂର୍ଣ୍ଣ ଭୂମିକା ଥିଲା। ଏହି କାରଣରୁ ବିଟ୍ଟୁକୁ ମଧ୍ୟ ଗିରଫ କରାଯାଇଛି।