କେନ୍ଦ୍ର ଜାରିକଲା ଦେଶର ଆବର୍ଜନାମୁକ୍ତ ସହର ତାଲିକା, ଓଡ଼ିଶାର କୌଣସି ସହର ନାହିଁ
ଭୁବନେଶ୍ୱର : କେନ୍ଦ୍ର ସରକାର ମଙ୍ଗଳବାରଦିନ ତାରକା ମାନ୍ୟତାପ୍ରାପ୍ତ ଆବର୍ଜନାମୁକ୍ତ ସହରମାନଙ୍କ ତାଲିକା ଜାରି କରିଛନ୍ତି । କେନ୍ଦ୍ର ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ହରଦୀପ ସିଂ ପୁରୀ ଆଜି ଏହି ତାଲିକାର ଉନ୍ମୋଚନ କରିଛନ୍ତି । ମୋଟ ୧୪୧ଟି ସହର ତାରକାମାନ୍ୟତା ପାଇଛନ୍ତି ।
୬ଟି ସହରକୁ ପଞ୍ଚତାରକା ଆବର୍ଜନାମୁକ୍ତ ସହରମାନ୍ୟତା ଦିଆଯାଇଥିବାବେଳେ ୬୫ଟି ସହରକୁ ତିିନିତାରକା ଓ ୭୦ଟି ସହରକୁ ଏକତାରକା ମାନ୍ୟତା ଦିଆଯାଇଛି । କିନ୍ତୁ ଓଡ଼ିଶାର କୌଣସି ସହର ଏହି ତାଲିକାରେ ସ୍ଥାନ ପାଇନାହାନ୍ତି । ପଞ୍ଚତାରକା ମାନ୍ୟତାପ୍ରାପ୍ତ ୬ଟି ଆବର୍ଜନାମୁକ୍ତ ସହର ହେଲା ନଭି ମୁମ୍ବାଇ, ରାଜକୋଟ, ସୁରଟ, ଅମ୍ବିକାପୁର, ମହୀଶୂର ଓ ଇନ୍ଦୋର ।
Sambad is now on WhatsApp
Join and get latest news updates delivered to you via WhatsApp
ସେହିପରି ତିିନିତାରକା ମାନ୍ୟତା ପାଇଥିବା ୬୫ଟି ସହରମାନଙ୍କ ମଧ୍ୟରେ ରହିଛନ୍ତି ନୂଆଦିଲ୍ଲୀ, ବିଜୟଓ୍ୱାଡ଼ା, କର୍ନାଲ, ତିରୁପତି,ଚଣ୍ଡିଗଡ଼, ଭିଲାଇ, ଅହମଦାବାଦ ଆଦି ସହର । ସେହିପରି ଏକ ତାରକା ସହରମାନଙ୍କ ମଧ୍ୟରେ ରହିଛି ଦିଲ୍ଲୀ କ୍ୟାଣ୍ଟନମେଣ୍ଟ, ଭରୋଦରା, ରୋହତକ, ଗ୍ୱାଲିୟର, ଚିରାଲା ଆଦି ସହର ।
ଏହି ରେଟିଂ ପାଇବା ପାଇଁ ମୋଟ ୧୪୩୫ଟି ସହର ଆବେଦନ କରିଥିଲେ । ମୂଲ୍ୟାଙ୍କନ ସମୟରେ ପ୍ରାୟ ୧.୧୯ କୋଟି ଲୋକଙ୍କ ମତାମତ ନିଆଯାଇଥିଲା ଓ ପ୍ରାୟ ୧୦ ଲକ୍ଷ ଜିଓ-ଟ୍ୟାଗ ଚିତ୍ରକୁ ବିଚାରକୁ ନିଆଯାଇଥିଲା । ପ୍ରାୟ ୧୨୧୦ ଜଣ ସର୍ଭେକାରୀ ଦେଶର ବିଭିନ୍ନ ସହରରେ ଥିବା ପ୍ରାୟ ୫୧୭୫ଟି ଆବର୍ଜନା ପ୍ରକ୍ରିୟାକରଣ ପ୍ଲାଣ୍ଟ ପରିଦର୍ଶନ କରିଥିଲେ ।