ସପ୍ତାହକ ଭିତରେ ଗୟାରେ ମସ୍ତିଷ୍କ ଜ୍ୱରରେ ପୀଡ଼ିତ ହୋଇ ୬ଜଣ ଶିଶୁଙ୍କ ମୃତ୍ୟୁ!
ଗୟା: ବିହାରରେ ଗତ ସପ୍ତାହକ ଭିତରେ ମସ୍ତିଷ୍କ ଜ୍ୱରରେ ପୀଡ଼ିତ ହୋଇ ବର୍ତ୍ତମାନ ସୁଦ୍ଧା ୬ଜଣ ଶିଶୁଙ୍କ ମୃତ୍ୟୁ ଘଟିଥିବା ଜଣାଯାଇଛି ।
ବିହାରରେ ଜୁଲାଇ୨ ତାରିଖରେ ଗୟାରେ ଅନୁଗ୍ରହ ନାରାୟଣ ମଗଧ ମେଡ଼ିକାଲ କଲେଜରେ ମସ୍ତିଷ୍କ ଜ୍ୱରରେ ପୀଡ଼ିତ ଥିବା ୨୨ଜଣ ଶିଶୁଙ୍କୁ ଭର୍ତ୍ତି କରାଯାଇଥିଲା । ସେମାନଙ୍କ ମଧ୍ୟରୁ ଛଅଜଣଙ୍କ ମୃତ୍ୟୁ ଘଟିଥିବା କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଏହି ମସ୍ତିଷ୍କ ଜ୍ୱର ଏକ୍ୟୁଟ ଇନସେଫେଲାଇଟିସ ସିଣ୍ଡ୍ରୋମ ଦ୍ୱାରା ହୋଇଥିବ ବୋଲି ଅନୁମାନ କରାଯାଉଛି ବୋଲି ନାରାୟଣ ମଗଧ ମେଡ଼ିକାଲ କଲେଜର ଅଧିକ୍ଷକ ଡା. ବି.କେ ପ୍ରସାଦ କହିଛନ୍ତି । ତେବେ ଏହାର ସତ୍ୟତା ନେଇ ସଠିକ୍ ତଥ୍ୟ ଏଯାଏଁ ଜଣାପଡ଼ିନି ବୋଲି ସେସ୍ବୀକାର କରିଛନ୍ତି। କିନ୍ତୁ ଏହାର ଚିକିତ୍ସା କରାଯାଇପାରିବ ବୋଲି ସେ ମତ ପ୍ରକାଶ କରିଛନ୍ତି ।
ଏଠାରେ ସୂଚନାଯୋଗ୍ୟ ଯେ ବର୍ତ୍ତମାନ ସୁଦ୍ଧା ବିହାରର ମୁଜାଫରପୁରରେ ଶିଶୁ ମୃତ୍ୟୁ ସଂଖ୍ୟା ୧୪୦ରେ ପହଂଚିଛି । ଏମାନଙ୍କ ମଧ୍ୟରୁ ୧୧୯ଜଣଙ୍କ ମୃତ୍ୟୁ ଶ୍ରୀକୃଷ୍ଣା ମେଡ଼ିକାଲ କଲେଜରେ ହୋଇଥିଲା । ନିକଟରେ ଏହି ଶିଶୁମୃତ୍ୟୁର କାରଣ ଲିଚୁ ବୋଲି ଚର୍ଚ୍ଚା ହୋଇଥିଲା । କିନ୍ତୁ ପରେ ଏହା କୁପୋଷଣଜନିତ ବୋଲି କୁହାଯାଇଥିଲା । ବିହାର ସରକାର ଓ କେନ୍ଦ୍ର ସରକାର ଏହି ଶିଶୁମୃତ୍ୟୁର କାରଣ ଖୋଜିବାକୁ ଚେଷ୍ଟା କରୁଛନ୍ତି ।