ପାକିସ୍ତାନରେ ବନ୍ଦୀ ଥିବା ଭାରତୀୟ କଏଦୀଙ୍କୁ ଅକଥନୀୟ ଅତ୍ୟାଚାର, ୯ ମାସରେ ପ୍ରାଣ ହରାଇଲେଣି ୬ କଏଦୀ
ଲାହୋର: ପଡୋଶୀ ଦେଶ ପାକିସ୍ତାନର ବିଭିନ୍ନ ଜେଲରେ ବନ୍ଦୀ ଭାବେ ଥିବା ଭାରତୀୟ ନାଗରିକଙ୍କୁ ଅକଥନୀୟ ଅତ୍ୟାଚାର ଦିଆଯାଉଛି | ଆଉ ଗତ ନଅ ମାସ ମଧ୍ୟରେ ପାକିସ୍ତାନର ବିଭିନ୍ନ ଜେଲରେ ୬ଜଣ ଭାରତୀୟଙ୍କ ମୃତ୍ୟୁ ଘଟିବା ଏହାକୁ ପ୍ରମାଣିତ କରିଛି । ତେବେ କଏଦୀମାନଙ୍କର ମୃତ୍ୟୁ କିପରି ହେଲା ସେନେଇ ପାକିସ୍ତାନ ପକ୍ଷରୁ କୌଣସି ଉତ୍ତର ମିଳିନଥିବାବେଳେ ମୃତକଙ୍କ ମଧ୍ୟରେ ପାଞ୍ଚ ଜଣ ମତ୍ସ୍ୟଜୀବୀ ଥିଲେ। ପାକିସ୍ତାନୀ ଜେଲରେ ରହୁଥିବା ଲୋକଙ୍କୁ ମୁକ୍ତ କରିବା ପାଇଁ ଭାରତ ପଡୋଶୀ ଦେଶ ସମ୍ମୁଖରେ ଅନେକ ଥର ଏହି ପ୍ରସଙ୍ଗ ଉଠାଇଛି।
Sambad is now on WhatsApp
Join and get latest news updates delivered to you via WhatsApp
ତେବେ ଏସବୁ ସତ୍ତ୍ୱେ ପାକିସ୍ତାନ କୌଣସି ପଦକ୍ଷେପ ନେଇନାହିଁ। ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ ଗତ ୯ ମାସ ମଧ୍ୟରେ ପାକିସ୍ତାନରେ ବନ୍ଦୀଥିବା ୬ ଜଣ ଭାରତୀୟଙ୍କର ମୃତ୍ୟୁ ଘଟିଛି | ଏହି ସମସ୍ତେ ସଜା ସମାପ୍ତ କରିଥିଲେ ବି ପାକିସ୍ତାନ ସେମାନଙ୍କୁ ଭାରତକୁ ଫେରାଇନଥିଲା | ଭାରତକୁ ଫେରିବା ପାଇଁ ଆବେଦନ ସତ୍ତ୍ୱେ ସେମାନଙ୍କୁ ବେଆଇନ ଭାବେ ଜେଲରେ ରଖାଯାଇଥିଲା | ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ପାକିସ୍ତାନରେ କାରାଗାରରେ ଥିବାବେଳେ ଭାରତୀୟ କଏଦୀଙ୍କ ମୃତ୍ୟୁ ବଢ଼ିବାରେ ଲାଗିଛି।
ସୂଚନା ଥାଉ କି ପାକିସ୍ତାନର ଜେଲରେ ୩୦୦ରୁ ଅଧିକ ଭାରତୀୟ ଅଛନ୍ତି, କିନ୍ତୁ ପଡୋଶୀ ଦେଶ କହିଛି ଯେ ୩୦୦ ନୁହେଁ ୨୬୦ ଜଣ କଏଦୀ ଅଛନ୍ତି। ଏହି ବନ୍ଦୀମାନଙ୍କ ମଧ୍ୟରୁ ଅନେକ ଅଛନ୍ତି ଯାହାର ଦଣ୍ଡ ମଧ୍ୟ ସମାପ୍ତ ହୋଇଛି, ତଥାପି ପାକିସ୍ତାନ ସେମାନଙ୍କୁ ମୁକ୍ତ କରୁନାହିଁ।