ସୁପ୍ରିମ୍‌କୋର୍ଟରେ କେଜ୍ରିୱାଲ୍‌ଙ୍କ ମାମଲାର ଶୁଣାଣି ଆଜି

ନୂଆଦିଲ୍ଳୀ: ମଦ ନୀତି ମାମଲାରେ ଗିରଫ ହେବା ପରେ ବର୍ତ୍ତମାନ ତିହାର ଜେଲରେ ରହୁଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ମାମଲାର ଶୁଣାଣି ଆଜି କୋର୍ଟରେ ହେବ।

ଦିଲ୍ଲୀରେ ଲୋକସଭା ନିର୍ବାଚନକୁ ଆଉ ସାତ ସପ୍ତାହରୁ କମ୍ ସମୟ ଥିବାବେଳେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫଦାରୀ ବିରୋଧରେ ଆବେଦନ ଆଜି ସୁପ୍ରିମକୋର୍ଟରେ ଶୁଣାଣି ହେବ। ଦିଲ୍ଲୀର ମଦ ନୀତି ସହ ଜଡିତ ଅର୍ଥ ହେରଫେର ମାମଲାରେ ଆମ୍ ଆଦମୀ ପାର୍ଟି (ଆପ୍‌) ନେତାଙ୍କୁ ମାର୍ଚ୍ଚ ୨୧ ରେ ଗିରଫ କରାଯାଇଥିଲା।

ମଙ୍ଗଳବାର ଦିନ ଦିଲ୍ଲୀ ହାଇକୋର୍ଟ କେଜ୍ରିୱାଲଙ୍କୁ ମୁକ୍ତ କରିବାକୁ ମନା କରିବା ପରେ ଆଜି ମାମଲାର ଶୁଣାଣି ହେବ। ତାଙ୍କ ଆବେଦନକୁ ପ୍ରତ୍ୟାଖ୍ୟାନ କରି ହାଇକୋର୍ଟ କହିିଥିଲେ ଯେ କେନ୍ଦ୍ରୀୟ ଅନୁସନ୍ଧାନକାରୀ ସଂସ୍ଥା (ଏଏନ୍‌ଆଇ) ଏପରି ସାମଗ୍ରୀ ଦାଖଲ କରିଛି, ଯେଉଁଥିରୁ କେଜ୍ରିୱାଲ୍‌ ୧୦୦ କୋଟି ଟଙ୍କାର ‌ଦୁର୍ନୀତି ସାମିଲ୍‌ ଥିବା ସୂଚନା ରହିଛି। ସେଥିପାଇଁ କେଜ୍ରିୱାଲ୍‌ଙ୍କୁ ମୁକ୍ତ କରାଯାଇପାରିବ ନାହିଁ।

ଏହି ରାୟର ଗୋଟିଏ ଦିନ ପରେ ଆପ୍‌ ନେତା ତାହାକୁ ଚ୍ୟାଲେଞ୍ଜ ସୁପ୍ରିମକୋର୍ଟଙ୍କ ନିକଟକୁ ଯାଇଥିଲେ। ତେବେ ସେ ତାହାର ତତ୍‌କ୍ଷଣାତ ଶୁଣାଣି ପାଇପାରିନଥିଲେ। ତା’ପରେ ଇଦ୍ ଏବଂ ସପ୍ତାହ ଶେଷ ପାଇଁ କୋର୍ଟ ବନ୍ଦ ରହିଥିଲା। ଆଜି ଜଷ୍ଟିସ ସଂଜୀବ ଖାନ୍ନା ଏବଂ ଦୀପଙ୍କର ଦତ୍ତଙ୍କ ଏକ ଖଣ୍ଡପୀଠ ସକାଳେ ମୁଖ୍ୟମନ୍ତ୍ରୀଙ୍କ ଆବେଦନ ଶୁଣାଣି କରିବେ।