ବିବାହ ଭୋଜି ଖାଇ ୬୦ ଅସୁସ୍ଥ , ପ୍ରସ୍ତୁତ ଖାଦ୍ୟରେ ଝିଟିପିଟି ପଡ଼ିଥିବାର ସୂଚନା
ଦୁମକା: ଝାଡ଼ଖଣ୍ଡର ଦୁମକାରେ ଏକ ବିବାହ ଭୋଜିରେ ବିଷାକ୍ତ ଖାଦ୍ୟ ଖାଇ ୬୦ ଜଣ ଲୋକ ଏକକାଳୀନ ଅସୁସ୍ଥ ହୋଇଥିବାର ଖବର ମିଳିଛି। ସେମାନଙ୍କୁ ନିକଟସ୍ଥ ହସ୍ପିଟାଲରେ ଚିକିତ୍ସାଲାଗି ପଠାଯାଇଛି । ସେହି ବିବାହ ଭୋଜିରେ ପ୍ରସ୍ତୁତ ଖାଦ୍ୟରେ ବିଷାକ୍ତ ଥିବା କେହି ଜାଣି ପାରି ନଥିଲେ । ଖାଦ୍ୟରେ ଏକ ଝିଟିପିଟ ପଡ଼ିଯାଇଥିବାରୁ ଏହା ବିଷାକ୍ତ ହୋଇ ଯାଇଥିଲା ବୋଲି ପରେ ଜଣାପଡ଼ିଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣା ସଂପର୍କରେ ଦୁମକା ଏସପି ୱାଇ ଏସ ରମେଶ କହିଛନ୍ତିଯେ ଚନ୍ଦନ ପାହାଡି ଗାଁର ଲୋକେ ବିବାହ ଭୋଜୀ ଖାଇଥିଲେ । ଅସୁସ୍ଥ ହେବା ପରେ ସେମାନଙ୍କୁ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ହସ୍ପିଟାଲରେ ଅପ୍ରୀତିକର ବାତାବରଣ ଖେଳି ଯାଇଛି । ପ୍ରାଥମିକ ଯାଞ୍ଚ ପରେ ଡାକ୍ତର ଅସୁସ୍ଥମାନଙ୍କୁ ଔଷଧ ଦେଇଛନ୍ତି । କୁହାଯାଉଛି ଯେ, ଭୋଜିର ରୋଷେଇ ବେଳେ ଏକ ଝିଟିପିଟି ପଡ଼ିଯାଇଥିଲା । ଫଳରେ ଭୋଜି ଖାଇଥିବା ଲୋକେ ଅସୁସ୍ଥ ହୋଇଯାଇଥିଲେ । ଘଟଣା ବାବଦରେ ଅବଗତ ହେବା ପରେ ପ୍ରଶାସନ ପକ୍ଷରୁ ଅସୁସ୍ଥ ଲୋକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସା ଜାରି ଥିବା ବେଳେ ଏବେ ସ୍ଥିତି ନିୟନ୍ତ୍ରଣରେ ଥିବାର ସୂଚନା ମିଳିଛି ।
Dumka: Over 60 people brought to hospital after they consumed food at a marriage ceremony in Chandan Pahari village; Dumka SP YS Ramesh says,”during bhoj at the ceremony, they found out that a lizard fell into their food. All of them have received 1st aid & are stable.”#Jharkhand pic.twitter.com/Ri4aHiOfzf
— ANI (@ANI) June 28, 2019
ଦୁମକା ସଦର ହସ୍ପିଟାଲର ଡେପୁଟି ସୁପରିଟେଣ୍ଡେଣ୍ଟ ଡ. ବିନୋଦ କୁମାର ସିହ୍ନା କିନ୍ତୁ ଏକଥାକୁ ଅସ୍ବୀକାର କରିଛନ୍ତି । ସେ କହିଛନ୍ତି ଯେ ଝିଟିପିଟି ଏତେ ଭୟଙ୍କର ବିଷାକ୍ତ ହୋଇ ନଥାଏ ଯେ ତାହା ଖାଦ୍ୟରେ ପଡ଼ିଲେ ଖାଇବା ଲୋକର କ୍ଷତି କରିବ। ଏହା ଏକ ମନୋବୈଜ୍ଞାନିକ ସମସ୍ୟା ବୋଲି ସେ ଜୋର ଦେଇ କହିଛନ୍ତି ।