ପଟିଆଲା ଆଇନ୍ ବିଶ୍ବବିଦ୍ୟାଳୟରୁ ୬୦ ଛାତ୍ରଛାତ୍ରୀ କରୋନା ପଜିଟିଭ୍ ଚିହ୍ନଟ, ହଷ୍ଟେଲ୍ ବନ୍ଦ ନିଷ୍ପତ୍ତି ନେଲେ କର୍ତ୍ତୃପକ୍ଷ
ପଟିଆଲା: ଦେଶରେ କେରୋନା ସଂକ୍ରମଣ କମିବାର ନାଁ ଧରୁନି। ପଞ୍ଜାବର ପଟିଆଲାରେ ଥିବା ରାଜୀବ ଗାନ୍ଧୀ ନେସ୍ନାଲ୍ ୟୁନିଭରସିଟି ଅଫ୍ ଲ କଲେଜରୁ ଏକାଥରରେ ୬୦ ଜଣ ଛାତ୍ରଛାତ୍ରୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ ସାମାନ୍ୟ ଲକ୍ଷଣ ଦେଖାଯିବା ପରେ ସେମାନଙ୍କୁ ପୃଥକ ରଖାଯିବା ସହ ପରୀକ୍ଷା କରାଯାଇଥିଲା। ସେମାନଙ୍କ ମଧ୍ୟରୁ ୬୦ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଏକାଥରକେ ଏତେ ଜଣ ଛାତ୍ରଛାତ୍ରୀ କରୋନା ପଜିଟିଭ୍ ଚିହ୍ନଟ ହେବା ପରେ ବିଶ୍ବ ବିଦ୍ୟାଳୟର କର୍ତ୍ତୃପକ୍ଷ ହଷ୍ଟେଲ୍ ଖାଲି କରିବାର ନିଷ୍ପତ୍ତି ନେଇଛନ୍ତି।
ଉଲ୍ଲେଖଯୋଗ୍ୟ, ଏକ ଅନୁଧ୍ୟାନରୁ ଜଣାପଡ଼ିଛି ଯେ, କୋଭିଡ୍-୧୯ ରୋଗ ସୃଷ୍ଟିକାରୀ ସାର୍ସ-କୋଭ୍-୨ ଭୂତାଣୁ ହେଉଛି ବାୟୁବାହିତ। ଯଦି ଗୋଟିଏ ପ୍ରକୋଷ୍ଠରେ ଦୁଇ ବା ଅଧିକ କୋଭିଡ୍-୧୯ ରୋଗୀ ଥାନ୍ତି ତେବେ ବାୟୁରେ ଥିବା ଭୂତାଣୁଙ୍କ ପଜିଟିଭିଟି ହାର ୭୫ ପ୍ରତିଶତ ହୋଇଥାଏ। ସେଣ୍ଟର ଫର ସେଲ୍ୟୁଲାର ଆଣ୍ଡ୍ ମଲିକ୍ୟୁଲାର ବାୟୋଲୋଜି (ସିସିଏମ୍ବି), ହାଇଦ୍ରାବାଦ ଏବଂ ସିଏସ୍ଆଇଆର୍-ଆଇଏମ୍ଟେକ୍, ଚଣ୍ଡୀଗଡ଼ ପକ୍ଷରୁ କରାଯାଇଥିବା ଅନୁଧ୍ୟାନର ରିପୋର୍ଟ ଏରୋସୋଲ ସାଇନ୍ସ ଜର୍ଣ୍ଣାଲରେ ପ୍ରକାଶ ପାଇଛି। ଏହି ଅନୁଧ୍ୟାନରୁ ଜଣାପଡ଼ିଛି ଯେ ଆଇସିୟୁ ଭିତରେ ଥିବା ରୋଗୀ ଏବଂ ଅଣ-ଆଇସିୟୁ ରୁମ୍ରେ ଥିବା ରୋଗୀ ବାୟୁମଣ୍ଡଳକୁ ସମାନ ପରିମାଣର ଭୂତାଣୁ ଛାଡ଼ିଥାନ୍ତି। ଅର୍ଥାତ୍ ରୋଗ କେତେ ଗୁରୁତର ତା’ ଉପରେ ଭୂତାଣୁଙ୍କ ବିମୋଚିତ ସଂଖ୍ୟା ନିର୍ଭର କରି ନ ଥାଏ।