ରୋମ୍‌: ରୋମ୍‌ ବନ୍ଦରରେ ଏକ ଜାହାଜରେ ପ୍ରାୟ ୬,୦୦୦ ପର୍ଯ୍ୟଟକଙ୍କୁ କରୋନା ଭାଇରସ୍‌ ଭୟରେ ଅଟକ ରଖାଯାଇଛି। ଜାହାଜରେ ୨ ଜଣ ଚୀନ୍‌ ଯାତ୍ରୀ ଅସୁସ୍ଥ ହେବାରୁ ସେମାନଙ୍କୁ ସ୍ବତନ୍ତ୍ର ଭାବେ ରଖାଯାଇଛି ଏବଂ ଏହାପରେ ସମଗ୍ର ଜାହାଜରେ ଥିବା ଅନ୍ୟ ଯାତ୍ରୀମାନଙ୍କୁ ମଧ୍ୟ ଅଟକ ରଖାଯାଇଛି। ଏହି ୨ ଜଣ ଯାତ୍ରୀଙ୍କ ନମୁନା ପରୀକ୍ଷା ପାଇଁ ପଠାଯାଇଛି। ଜାହାଜରେ ସମୁଦାୟ ୬,୦୦୦ ଲୋକ ଥିବା ସ୍ବୀକାର କରାଯାଇଛି। ଜାହାଜରେ ଚୀନ୍‌ର ୭୫୦ ଜଣ ଯାତ୍ରୀ ଥିବାବେଳେ ଅନ୍ୟ ସମସ୍ତେ ସୁସ୍ଥ ଥିବା ଜଣାପଡ଼ିଛି।