ସୁରତ : ଗୁଜୁରାଟର ହୀରକ ନଗରୀ ସୁରତରେ ବଢିଚାଲିଥିବା କରୋନା ସଂକ୍ରମଣ ପ୍ରଶାସନର ଚିନ୍ତାର କାରଣ ହୋଇଛି । ଗତକାଲି ଗୋଟିଏ ଦିନରେ ସହରରେ ମୋଟ ୬୧୧ଟି ନୂଆ ସଂକ୍ରମଣ ମାମଲା ଚିହ୍ନଟ ହୋଇଛି । ଏହା ଫଳରେ ସୁରତରେ ଏ ପର୍ଯ୍ୟନ୍ତ ଚିହ୍ନଟ ହୋଇଥିବା ମୋଟ ସଂକ୍ରମଣ ସଂଖ୍ୟା ୪୮,୪୬୬ରେ ପହଞ୍ଚିଛି । ଅନ୍ୟପକ୍ଷରେ ସହରରେ ଗତ ୨୪ ଘଣ୍ଟାରେ ମୋଟ ୨ ଜଣ ମୃତ୍ୟୁବରଣ କରିଛନ୍ତି । ସତର୍କତାମୂଳକ ପଦକ୍ଷେପ ସ୍ବରୂପ ସୁରତରେ ୧୪୪ ଧାରା ଜାରି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୁରତର କରୋନା ହଟସ୍ପଟ୍ ଅଥଓ୍ବା ଓ ରାଣ୍ଡର ଜୋନରେ ଯଥାକ୍ରମେ ୧୧୨ ଓ ୧୦୩ ଟି ନୂଆ ମାମଲା ଚିହ୍ନଟ ହୋଇଛି । ସହରରେ କରୋନା ସଂକ୍ରମଣ ବଢିଚାଲିଥିବାବେଳେ ହସପିଟାଲଗୁଡ଼ିକରେ ସ୍ଥାନାଭାବ ଦେଖାଦେଇଛି । ସହରର ବିଭିନ୍ନ ହସପିଟାଲରେ ଏବେ ପ୍ରାୟ ୭୬୫ ଜଣ ରୋଗୀ ଚିକିତ୍ସିତ ହେଉଛନ୍ତି ।
ସଂକ୍ରମଣ ବଢୁଥିବା ଦୃଷ୍ଟିରୁ ସୁରତ ମ୍ୟୁନିସିପାଲ କର୍ପୋରେସନ ପକ୍ଷରୁ ରାତ୍ରକାଳୀନ କର୍ଫ୍ୟୁ ସମେତ ଅନ୍ୟାନ୍ୟ କଟକଣାକୁ କଡ଼ାକଡ଼ି କରାଯାଇଛି। ଅନ୍ୟପକ୍ଷରେ ପ୍ରଶାସନ ପକ୍ଷରୁ ସହରରେ ଟିକାକରଣକୁ ତ୍ବରାନ୍ବିତ କରିବାକୁ ନିଷ୍ପତ୍ତି ନିଆଯାଇଛି ।