ଭିସ୍ତାରା ବିମାନରେ ଏୟାରହୋଷ୍ଟେସଙ୍କୁ ଅସଦାଚରଣ କରି ଗିରଫ ହେଲେ ୬୨ ବର୍ଷିୟ ଯାତ୍ରୀ
ନୂଆଦିଲ୍ଲୀ : ବିମାନ ମଧ୍ୟରେ ଜଣେ ଏୟାର ହୋଷ୍ଟେସଙ୍କୁ ଅସଦାଚରଣ କରି ଗିରଫ ହୋଇଛନ୍ତି ଯାତ୍ରୀ । ଦିଲ୍ଲୀକୁ ଯାତ୍ରା କରୁଥିବା ସମୟରେ ଲକ୍ଷ୍ନୌ-ଦିଲ୍ଲୀ ଏୟାର ଭିସ୍ତାରା ବିମାନରେଏହି ଘଟଣା ଘଟିଥିଲା । ଏ ନେଇ ଏୟାରହୋଷ୍ଟେସ ଜଣକ ଏତଲା ଦେବା ପରେ ଉକ୍ତ ଯାତ୍ରୀଙ୍କୁ ଗିରଫ କରଯାଇଥିବା ଜଣା ପଡ଼ିଛି । ଅଭିଯୁକ୍ତ ଜଣକ ପୁନେରେ ରହୁଥିବା ବେଳେ ତାଙ୍କ ନାମ ରାଜୀବ ବସନ୍ତ ଦାନୀ ବୋଲି ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏହି ଘଟଣାଟି ଘଟିଥିଲା ଇନ୍ଦିରା ଗାନ୍ଧୀ ଅର୍ନ୍ତଜାତୀୟ ବିମାନ ବନ୍ଦରର ଏୟାର ଭିସ୍ତାରା ବିମାନ UK997ରେ । ଟର୍ମିନାଲ-୩ରେ ଯେତେବେଳେ ବିମାନରେ ଥିବା ଯାତ୍ରୀମାନେ ବିମାନ ଅବତରଣ ପରେ ବାହାରକୁ ବାହାରୁଥିଲେ ,ଏହି ସମୟରେ ଜଣେ ୬୨ବର୍ଷୀୟ ବୃଦ୍ଧ ଜଣକ ବିମାନ ମଧ୍ୟରେ ଥିବା ଏୟାରହୋଷ୍ଟେସଙ୍କ ସହ ଅସଦାଚରଣ କରିଥିଲେ । ଏହି ଘଟଣା ଘଟିବା ପରେ ଏୟାରହୋଷ୍ଟେସ ଜଣଙ୍କ ତୁରନ୍ତ ଏ ନେଇ ଏତଲା ଦେବା ପରେ ଅଭିଯୁକ୍ତ ରାଜୀବଙ୍କୁ ଧାରା ୩୫୪ ଅନୁଯାୟୀ ଗିରଫ କରାଯାଇଥିଲା ।
ଏହି ଘଟଣାଟି ମର୍ଚ୍ଚ ୨୪, ୨୦୧୮ରେ ଘଟିଥିଲା ବୋଲି ଜଣାପଡ଼ିଛି । ଆମ ମାନଙ୍କ ପାଇଁ ଯାତ୍ରୀଙ୍କ ସୁରକ୍ଷା ଯେତିକି ଗୁରୁତ୍ୱପୂର୍ଣ୍ଣ ଆମ କର୍ମଚାରୀମାନଙ୍କ ସୁରକ୍ଷା ମଧ୍ୟ ସେତିକି ଗୁରୁତ୍ୱପୂର୍ଣ୍ଣ । କେହି ଯାତ୍ରୀ ଯଦି ଏଭଳି ବ୍ୟବହାର କରିବେ ତାହା କେବେ ବି ସହ୍ୟ କରାଯିବ ନାହିଁ । ସେଥିପାଇଁ ଏହି ଘଟଣାରେ ଆମେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲୁ ବୋଲି ଏୟାର ଭିସ୍ତାରା ପକ୍ଷରୁ କୁହାଯାଇଛି ।