ଗାଁକୁ ଫେରିଥିବା ୬୭ ଲକ୍ଷ ପ୍ରବାସୀ ଶ୍ରମିକଙ୍କ ପାଇଁ ମୋଦୀ ସରକାରଙ୍କ ବଡ଼ ଯୋଜନା
ନୂଆଦିଲ୍ଲୀ: କରୋନା ଓ ଲକଡାଉନ ଯୋଗୁଁ ଗାଁକୁ ଫେରିଥିବା ପ୍ରବାସୀ ଶ୍ରମିକଙ୍କ ପାଇଁ ମୋଦୀ ସରକାର ବଡ଼ ଧରଣର ଯୋଜନା ଆରମ୍ଭ କରିବାକୁ ଯାଉଛନ୍ତି | ଗୁରୁବାର ଦିନ ଗରିବ କଲ୍ୟାଣ ରୋଜଗାର ଅଭିଯାନ ବିଷୟରେ ସୂଚନା ପ୍ରଦାନ କରି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ, ଲକଡାଉନ ପରେ ସାରା ଦେଶରେ ବହୁ ସଂଖ୍ୟାରେ କର୍ମଚାରୀ ସେମାନଙ୍କ ଗାଁକୁ ଯାଇଛନ୍ତି। ସେହି ଜିଲ୍ଲାଗୁଡ଼ିକୁ ଚିହ୍ନଟ କରୁଛୁ ଯେଉଁ ଜିଲ୍ଲାକୁ ସର୍ବାଧିକ ସଂଖ୍ୟକ ଶ୍ରମିକ ଫେରି ଆସିଛନ୍ତି। ଆଉ ସେମାନେ କିଭଳି ଗାଁରେ ରହି କର୍ମନିଯୁକ୍ତି ପାଇ ପାରିବେ ସେଥିପାଇଁ ଲକ୍ଷ୍ୟ ରଖାଯାଇଛି |
Sambad is now on WhatsApp
Join and get latest news updates delivered to you via WhatsApp
ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଏହି ୨୫ ଟି କାର୍ଯ୍ୟରେ ଅଙ୍ଗନୱାଡି କେନ୍ଦ୍ର ନିର୍ମାଣ, ଗ୍ରାମୀଣ ରାସ୍ତା, ଗ୍ରାମୀଣ ଗୃହ, ରେଳ ମନ୍ତ୍ରାଳୟର କାର୍ଯ୍ୟ, ଗ୍ରାମାଞ୍ଚଳରେ RURBAN ମିଶନ, ସୋଲାର ପମ୍ପସେଟ, ଫାଇବର ଅପ୍ଟିକ କେବୁଲ ବିସ୍ତାର ଇତ୍ୟାଦି ଅନ୍ତର୍ଭୁକ୍ତ କରାଯାଇଛି | ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଗରିବ କଲ୍ୟାଣ ରୋଜଗାର ଅଭିଯାନ ଅଧୀନରେ ଥିବା ୨୫ଟି କାର୍ଯ୍ୟ ମଧ୍ୟରୁ ଫେରି ଆସିଥିବା ଶ୍ରମିକଙ୍କ ଦକ୍ଷତା ଅନୁଯାୟୀ ଚୟନ କରାଯିବ। ପ୍ରଧାନମନ୍ତ୍ରୀ ମୋଦୀ ଏହି ଯୋଜନାକୁ ଜୁନ୍ ୨୦ ରେ ବିହାରର ଖାଗରିଆଠାରେ ଆରମ୍ଭ କରିବେ। ନିର୍ମଳା କହିଛନ୍ତି, ଯେ ଗରିବ କଲ୍ୟାଣ ରୋଜଗାର ଅଭିଯାନ ୬ଟି ରାଜ୍ୟର ୧୧୬ ଟି ଜିଲ୍ଲାରେ ଚାଲିବ।
Here are the 116 districts across six states – Bihar, Uttar Pradesh, Madhya Pradesh, Rajasthan, Jharkhand and Odisha – where the ₹ 50,000 crore #GaribKalyanRojgarAbhiyaan scheme for migrant workers will be implemented, for creating jobs and rural assets https://t.co/rShSKFOewu pic.twitter.com/9SA5GHvTmc
— PIB in Maharashtra 🇮🇳 (@PIBMumbai) June 18, 2020
ଏହା ୬୭ ଲକ୍ଷ ପ୍ରବାସୀ ଶ୍ରମିକଙ୍କ ପାଇଁ କରାଯିବାକୁ ଥିବାବେଳେ ୧୧୬ ଟି ଜିଲ୍ଲା ମଧ୍ୟରୁ ୨୭ ଟି ଜିଲ୍ଲାକୁ ବହୁ ସଂଖ୍ୟକ ପ୍ରବାସୀ ଶ୍ରମିକ ଆସିଛନ୍ତି | ସେ କହିଛନ୍ତି ଯେ ଏହି ଯୋଜନାରେ ମୋଟ ୫୦୦୦୦ କୋଟି ଟଙ୍କା ଖର୍ଚ୍ଚ ହେବ। ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି, ‘ଗରିବ କଲ୍ୟାଣ ରୋଜଗାର ଅଭିଯାନ ଅଧୀନରେ ଭାରତ ସରକାର ୨୫ ଟି ଯୋଜନାର ଲକ୍ଷ୍ୟ ୧୨୫ ଦିନ ମଧ୍ୟରେ ୧୧୬ ଟି ଜିଲ୍ଲାରେ ପୂରଣ ହେବ। ଯେଉଁ ରାଜ୍ୟମାନଙ୍କୁ ସର୍ବାଧିକ ପ୍ରବାସୀ ଶ୍ରମିକ ଫେରିଛନ୍ତି ସେଥିମଧ୍ୟରେ ବିହାର, ଝାଡ଼ଖଣ୍ଡ, ଉତ୍ତରପ୍ରଦେଶ, ମଧ୍ୟପ୍ରଦେଶ, ଓଡିଶା ଏବଂ ରାଜସ୍ଥାନ ରହିଛି। ତେଣୁ ଏହି ସବୁ ରାଜ୍ୟର ୧୧୬ ଟି ଜିଲ୍ଲାରେ ପ୍ରବାସୀ ଶ୍ରମିକମାନଙ୍କୁ ଏହି ଯୋଜନା ମାଧ୍ୟମରେ ନିୟୋଜିତ କରାଯିବ |