ବିଭା ହେଲେ ୬୭ ବର୍ଷୀୟ ବୃଦ୍ଧ ଓ ୨୪ ବର୍ଷୀୟ ଯୁବତୀ; ସୁରକ୍ଷା ଯୋଗାଇ ଦେବାକୁ ପୁଲିସକୁ ନିର୍ଦେଶ ଦେଲେ ହାଇକୋର୍ଟ
ସଙ୍ଗୃର୍: ନବବିବାହିତ ସଙ୍ଗୃର୍ ଦମ୍ପତି- ୬୭ ବର୍ଷିୟ ଶମ୍ଶେର୍ ସିଂହ ଓ ୨୪ ବର୍ଷୀୟ ନବପ୍ରୀତ କୌରଙ୍କୁ ଜୀବନ ସୁରକ୍ଷା ଏବଂ ସ୍ୱାଧୀନତା ଉପରେ ଦୃଷ୍ଟି ଦେବାକୁ ପଞ୍ଜାବ ହରିୟାଣା ହାଇକୋର୍ଟ ପଞ୍ଜାବ ପୁଲିସକୁ ନିର୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଜାନୁଆରି ମାସରେ ଧୁରି ସବ୍ଡିଭିଜନ୍ ଅନ୍ତର୍ଗତ ବଳିୟାନ୍ ଗାଁର ଶମ୍ଶେର୍ ଏବଂ ନବପ୍ରୀତ ବାହା ହୋଇଥିଲେ ଓ ସେମାନଙ୍କ ବାହାଘରର କେତେଗୁଡ଼ିଏ ଫଟୋ ସାମାଜିକ ଗଣମାଧ୍ୟମରେ ବହୁଳ ପ୍ରସାରିତ ହୋଇଥିଲା। ପରେ ପରେ ସେମାନେ ହାଇକୋର୍ଟଙ୍କ ଦ୍ୱାରସ୍ଥ ହୋଇ କହିଥିଲେ କି, ପରିବାର ଓ ଆତ୍ମୀୟମାନେ ତାଙ୍କୁ ଧମକ ଦେଉଛନ୍ତି।
ଓକିଲ ମୋହିତ ସଦାନା କହନ୍ତି: ଏଇଟା ଅସ୍ୱାଭାବିକ ବାହାଘର ହୋଇଥିବାରୁ ପରିବାର ଲୋକେ ଉଭୟଙ୍କ ସମ୍ପର୍କକୁ ସମ୍ମତି ଦେଉ ନାହାନ୍ତି। ତେଣୁ ସେ ଦମ୍ପତି ଅଦାଲତକୁ ଯାଇଥିଲେ। ଫେବ୍ରୁଆରି ୪ ତାରିଖ ଦିନ ଅଦାଲତ ସେମାନଙ୍କ ସୁରକ୍ଷା ଲାଗି ପୁଲିସକୁ ନିର୍ଦେଶ ଦେଇଛନ୍ତି।
ଏ ସଂକ୍ରାନ୍ତରେ କିଛି କହିବାକୁ ସେ ଦମ୍ପତି ମନା କରି ଦେଇଥିଲେ ବି ସେମାନଙ୍କର ବହାଘର ବୈଧ୍ୟ ବୋଲି ସେମାନଙ୍କ ଓକିଲ କହିଛନ୍ତି।
ପୁଲିସ ମଧ୍ୟ ଆବଶ୍ୟକ ସୁରକ୍ଷା ଯୋଗାଇ ଦେବ ବୋଲି ସଙ୍ଗୃର୍ ଏସ୍ଏସ୍ପି ସନ୍ଦୀପ ଗର୍ଗ କହିଛନ୍ତି।