ହୋଲି ପାଇଁ ରଙ୍ଗ କିଣୁକିଣୁ ମାଡ଼ିଗଲା ଟ୍ରକ, ଘଟଣାସ୍ଥଳରେ ୭ ଜଣଙ୍କର ମୃତ୍ୟୁ
ପାଟନା: ହୋଲି ପାଇଁ ରଙ୍ଗ କିଣୁଥିବାବେଳେ ଅଘଟଣ | ଏକ ଟ୍ରକ ନିୟନ୍ତ୍ରଣ ହରାଇ ମାଡିଯିବାରୁ ୭ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି | ବିହାରର ନାଳନ୍ଦାରେ ଏଭଳି ଏକ ଦୁର୍ଘଟଣା ଘଟିଛି | ଏହି ଦୁର୍ଘଟଣାରେ ୭ ଜଣଙ୍କର ମୃତ୍ୟୁ ଘଟିଥିବାବେଳେ ୫୦ରୁ ଅଧିକ ଲୋକ ଗୁରୁତର ଆହତ ହୋଇଛନ୍ତି | ଏହି ଦୁର୍ଘଟଣା ପରେ ମୁଖ୍ୟମନ୍ତ୍ରୀ ନୀତିଶ କୁମାର ମୃତକଙ୍କ ପରିବାର ପିଛା ୪ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୂଳକ ରାଶି ଘୋଷଣା କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଆସନ୍ତାକାଲି ହୋଲି ପର୍ବ ଥିବାରୁ ନାଳନ୍ଦା ଜିଲ୍ଲାର ତେଲହଡା ବଜାରରେ ଲୋକମାନେ ରଙ୍ଗ କିଣିବାକୁ ଦୋକାନ ସାମ୍ନାରେ ଛିଡା ହୋଇଥିଲେ | ଏହା ସହ ବଜାର ଗହଳି ଥିବାବେଳେ ଏକ ଟ୍ରକ ନିୟନ୍ତ୍ରଣ ହରାଇ ଲୋକଙ୍କ ଉପରେ ମାଡିଯାଇଥିଲା |
ଘଟଣାସ୍ଥଳରେ ହିଁ ୭ ଜଣଙ୍କର ମୃତ୍ୟୁ ହୋଇଯାଇଥିବାବେଳେ ୫୦ରୁ ଅଧିକ ଲୋକ ଗୁରୁତର ଆହତ ହୋଇଛନ୍ତି | ତେବେ ଦୁର୍ଘଟଣା ଘଟାଇଥିବା ଡ୍ରାଇଭରଙ୍କୁ ପୁଲିସ ଗିରଫ କରିଥିବାବେଳେ ଏକ ପରିସଂଖ୍ୟାନ ମୁତାବକ ୨୦୧୮ ମସିହାରେ ସଡକ ଦୁର୍ଘଟଣାରେ ବିହାରରେ ୫୫୫୪ ଜଣ ଲୋକଙ୍କର ମୃତ୍ୟୁ ହୋଇଥିବାବେଳେ ୨୦୧୯ ମସିହାରେ ୭୨୦୫ ଜଣ ଲୋକଙ୍କର ମୃତ୍ୟୁ ହୋଇଥିଲା |