ଧସ୍ତାଧସ୍ତିରେ କାବୁଲ ବିମାନବନ୍ଦରରେ ୭ଜଣଙ୍କ ମୃତ୍ୟୁ

କାବୁଲ: ଧସ୍ତାଧସ୍ତିରେ କାବୁଲ ବିମାନବନ୍ଦରରେ ୭ଜଣଙ୍କ ମୃତ୍ୟୁ | ବ୍ରିଟିଶ ସେନା ପକ୍ଷରୁ କୁହାଯାଇଛି ଯେ, ଆଫଗାନିସ୍ତାନରୁ ତାଲିବାନ ଡରରେ ପଳାୟନ କରୁଥିବା ଲୋକେ ପରସ୍ପର ସହ ଧସ୍ତାଧସ୍ତି ହେବାରୁ ୭ଜଣଙ୍କ ମୃତ୍ୟୁ ହୋଇଛି | କାବୁଲର ଅନ୍ତର୍ଜାତୀୟ ବିମାନବନ୍ଦର ନିକଟରେ ଏଭଳି ଅଭାବନୀୟ ଘଟଣା ଘଟିଛି |

ପ୍ରତିରକ୍ଷା ମନ୍ତ୍ରାଳୟ ରବିବାର ଏକ ବିବୃତିରେ କହିଛି ଯେ, କାବୁଲ ବିମାନବନ୍ଦରର ଅବସ୍ଥା ଅତ୍ୟନ୍ତ ଖରାପ ଅଛି | କିନ୍ତୁ ସ୍ଥାନାନ୍ତର ପ୍ରକ୍ରିୟାକୁ ଯଥା ସମ୍ଭବ ସୁରକ୍ଷିତ ଏବଂ ନିରାପଦରେ ପରିଚାଳନା କରିବା ପାଇଁ ଆମେ ସବୁ ପ୍ରକାର ଚେଷ୍ଟା କରୁଛୁ।

Hindustan Times

ଉଲ୍ଲେଖଯୋଗ୍ୟ, ଆଫଗାନିସ୍ତାନ ତାଲିବାନ ଦଖଲକୁ ଯିବା ପରେ ଏବେ ସେଠାରେ ରହୁଥିବା ଲୋକେ ଅନ୍ୟ ଦେଶକୁ ଯିବା ଆରମ୍ଭ କରିଛନ୍ତି | ବିଭିନ୍ନ ଦେଶ ପକ୍ଷରୁ ଏବେ ସ୍ଥାନାନ୍ତର ପ୍ରକ୍ରିୟା ଆରମ୍ଭ ହୋଇଛି | ବର୍ତ୍ତମାନ ସୁଦ୍ଧା ୨୫୦୦ ଆମେରିକୀୟଙ୍କ ସମେତ ୧୭,୦୦୦ ଲୋକଙ୍କୁ ସ୍ଥାନାନ୍ତର କରିଛି ଆମେରିକା। ଏହା ସହ ଭାରତ ମଧ୍ୟ ସ୍ଥାନାନ୍ତର ପ୍ରକ୍ରିୟା ଜାରି ରଖିଛି | ଆଜି ଭାରତକୁ ଏୟାର ଇଣ୍ଡିଆ ବିମାନ ଏବଂ ବାୟୁସେନା ବିମାନରେ ପାଖାପାଖି ୩୦୦ ଭାରତୀୟ ଫେରିଛନ୍ତି |