ଛତିଶଗଡ଼ରେ ମାଓବାଦୀ-ସୁରକ୍ଷା ବାହିନୀ ଗୁଳିବିନିମୟ, ୭ ମାଓବାଦୀ ନିହତ
ରାୟପୁର: ମାଓ ପ୍ରବଣ ଛତିଶଗଡ଼ର ବସ୍ତର ଜିଲ୍ଲାରେ ଆଜି ସୁରକ୍ଷାବଳଙ୍କୁ ଏକ ବଡ଼ ସଫଳତା ମିଳିଛି । ଜିଲ୍ଲାର ତିରିୟା ଗ୍ରାମ ନିକଟସ୍ତ ଜଙ୍ଗଲରେ ସୁରକ୍ଷାବଳ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଘଟି ୭ ମାଓବାଦୀ ନିହତ ହୋଇଛନ୍ତି ।ମୃତକଙ୍କ ମଧ୍ୟରେ ୩ ଜଣ ମହିଳା ମାଓବାଦୀ ଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟର ଡିଆଇଜି (ନକ୍ସଲ ବିରୋଧୀ ଅପରେସନ) ସୁନ୍ଦରରାଜ ପି. କହିଛନ୍ତି ଯେ ଜିଲ୍ଲା ରିଜର୍ଭ ଗାର୍ଡ ଓ ଛତିଶଗଡ଼ ପୁଲିସର ସ୍ୱତନ୍ତ୍ର ଟାସ୍କଫୋର୍ସ ଆଜି ଉକ୍ତ ଅଞ୍ଚଳରେ ଏକ କମ୍ବିଂ ଅପରେସନ ଚଳାଇଥିବାବେଳେ ମାଓବାଦୀମାନେ ଗୁଳି ଚଳାଇଥିଲେ । ସୁରକ୍ଷାବାହିନୀ ତୁରନ୍ତ ଏହାର ଜବାବ ଦେଇଥିଲେ । ଏହି ଗୁଳିବିନିମୟ ବେଳେ ୭ ମାଓବାଦୀ ଘଟଣାସ୍ଥଳରେ ନିହତ ହୋଇଥିଲେ । ତେବେ କେତେକ ମାଓବାଦୀ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଘଟଣାସ୍ଥଳରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ମାଓପୁସ୍ତିକା ଜବତ ହୋଇଛି । ପ୍ରାୟ ୪ ଦିନ ତଳେ ଛତିଶଗଡ଼ର ସୁକମା ଜିଲ୍ଲାରେ ଏକ ଦୁର୍ଦ୍ଦାନ୍ତ ମାଓବାଦୀ କମାଣ୍ଡର ପୁଲିସ ଗୁଳିରେ ନିହତ ହୋଇଥିଲା ।