କୋର୍ଟରେ ହାଜର ହୋଇଥିବା ଚୋର କରୋନା ପଜିଟିଭ ଚିହ୍ନଟ ହେବା ପରେ ସଙ୍ଗରୋଧରେ ରହିଲେ ବିଚାରପତିଙ୍କ ସମେତ ୭ ପୁଲିସକର୍ମୀ
ନୂଆଦିଲ୍ଲୀ: ସମଗ୍ର ଦେଶରେ କରୋନା ଭୂତାଣୁ ସଂକ୍ରମଣ ହେବାର ଆଶଙ୍କା ରହିଥିବା ବେଳେ ହଜାର ହଜାର ଲୋକ ଏହି ସଂକ୍ରମଣର ଶିକାର ହୋଇ ମୃତ୍ୟୁବରଣ କରୁଛନ୍ତି। ଏହି ମାରାତ୍ମକ ସଂକ୍ରମଣ ହେତୁ ସମଗ୍ର ଦେଶକୁ ଲକଡାଉନ୍ କରାଯାଇଛି, ଯାହା ଦ୍ୱାରା ଲୋକଙ୍କ ଜୀବନ ରକ୍ଷା ହୋଇପାରିବ। ଏହି ସମୟ ମଧ୍ୟରେ ପଞ୍ଜାବର ଲୁଧିଆନାରେ ଏକ ଘଟଣା ସାମ୍ନାକୁ ଆସିଛି, ଯେଉଁଠି ଜଣେ ଚୋର ପାଇଁ ୭ଜଣ ପୁଲିସ କର୍ମଚାରୀ ଏବଂ ଜଣେ ବିଚାରପତିଙ୍କୁ ସଙ୍ଗରୋଧରେ ରହିବାକୁ ପଡିଛି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦୁଇ ଜଣ ଚୋର ଲୁଧିଆନା ପୁଲିସ ହାତରେ ଧରାପଡିଥିଲେ ଏବଂ ପରେ ସେମାନଙ୍କୁ କୋର୍ଟରେ ହାଜର କରାଯାଇଥିଲା। କୋର୍ଟରେ ହାଜର କରାଯିବା ପରେ ଦୁଇ ଜଣ କାଶିବା ଆରମ୍ଭ କରିଦେଇଥିଲେ | ଦୁହିଁଙ୍କ କାଶିବା ଦେଖି ବିଚାରପତି ମୋନିକା ସିଂ ସନ୍ଦେହ କରିବା ସହ ଉଭୟଙ୍କୁ କରୋନା ଭୂତାଣୁ ପରୀକ୍ଷା ପାଇଁ ପଠାଇଥିଲା। କିନ୍ତୁ ପରୀକ୍ଷା ପାଇଁ ପଠାଯାଇଥିବା ବେଳେ ଜଣେ ଚୋର ଖସି ପଳାଇଥିଲା | ତେବେ ଅନ୍ୟ ଜଣଙ୍କର ସ୍ୱାବ ନମୁନା ପରୀକ୍ଷା କରାଯିବ ପରେ ରିପୋର୍ଟ ପଜିଟିଭ ଆସିଥିଲା | ନମୁନା ପଜିଟିଭ ଆସିବା ପରେ ଏହି ଘଟଣାର ତଦନ୍ତ ଆରମ୍ଭ କରିଥିବା ପୁଲିସ ଦଳକୁ ଘରେ ସଙ୍ଗରୋଧରେ ରହିବା ପାଇଁ କୁହାଯିବା ସହ ବିଚାରପତି ମୋନିକା ସିଂ ମଧ୍ୟ ଘରେ ସଙ୍ଗରୋଧରେ ରହିବାକୁ ବାଧ୍ୟ ହୋଇଛନ୍ତି।