ଗତ ୪ ବର୍ଷରେ ୭୦୦ ଜଣ ସ୍ଥାନୀୟ ଯୁବକଙ୍କୁ ନିଜ ସହ ସାମିଲ କରାଇଛନ୍ତି ଆତଙ୍କବାଦୀ ସଂଗଠନ
ଶ୍ରୀନଗର: ଜମ୍ମୁକଶ୍ମୀରରେ ଆତଙ୍କବାଦୀ ସଂଗଠନ ଗତ ଚାରି ବର୍ଷ ମଧ୍ୟରେ ୭୦୦ ଜଣ ସ୍ଥାନୀୟ ଯୁବକଙ୍କୁ ନିଯୁକ୍ତି ଦେଇଥିଲେ। ତେବେ ବର୍ତ୍ତମାନ ବିଦେଶୀ ଆତଙ୍କବାଦୀ ଓ ସ୍ଥାନୀୟ ଆତଙ୍କବାଦୀଙ୍କ ମଧ୍ୟରୁ ୧୪୧ଜଣ ଏବେ ବି ସକ୍ରିୟ ଅଛନ୍ତି | କେନ୍ଦ୍ର ଗୃହ ମନ୍ତ୍ରାଳୟର ତଥ୍ୟ ଅନୁଯାୟୀ, ୫ ଜୁଲାଇ ୨୦୨୨ ସୁଦ୍ଧା ଜମ୍ମୁକଶ୍ମୀରରେ ମୋଟ ୮୨ଜଣ ବିଦେଶୀ ଆତଙ୍କବାଦୀଙ୍କ ସହ ୫୯ ଜଣ ସ୍ଥାନୀୟ ଆତଙ୍କବାଦୀ ସକ୍ରିୟ ଥିଲେ।
Sambad is now on WhatsApp
Join and get latest news updates delivered to you via WhatsApp
ଜଣେ ଅଧିକାରୀ କହିଛନ୍ତି ଯେ ଅଧିକାଂଶ ଆତଙ୍କବାଦୀମାନେ ଲଶ୍କର-ଇ-ତଇବା, ଦି ରେଜିଷ୍ଟାନ୍ସ ଫ୍ରଣ୍ଟ, ଜୈଶ-ଏ-ମହମ୍ମଦ ଏବଂ ହିଜବୁଲ ମୁଜାହିଦ୍ଦିନ ଭଳି ସଂଗଠନ ସହ ଜଡିତ। ଏହି ଚାରିଟି ଆତଙ୍କବାଦୀ ସଂଗଠନମାନେ ଗତ ୪ ବର୍ଷ ମଧ୍ୟରେ ଜମ୍ମୁକଶ୍ମୀରର ୭୦୦ଜଣ ସ୍ଥାନୀୟ ଯୁବକଙ୍କୁ ନିଯୁକ୍ତ କରିଛନ୍ତି |
ଯେଉଁଥିରେ ୨୦୧୮ରେ ୧୮୭ଜଣ ଯୁବକ, ୨୦୧୯ରେ ୧୨୧, ୨୦୨୦ରେ ୧୮୧ ଏବଂ ୨୦୨୧ରେ ୧୪୨ ଜଣ ନିଯୁକ୍ତି ପାଇଛନ୍ତି। ଆତଙ୍କବାଦୀ ଗୋଷ୍ଠୀ ଚଳିତ ବର୍ଷ ଜୁନ୍ ଶେଷ ପର୍ଯ୍ୟନ୍ତ ୬୯ ଜଣ ଯୁବକଙ୍କୁ ନିଜ ଗୋଷ୍ଠୀରେ ସାମିଲ କରିଛନ୍ତି | ସୁରକ୍ଷା ବାହିନୀଙ୍କ ଏନକାଉଣ୍ଟରରେ ଚଳିତ ବର୍ଷ ୧୨୫ ଜଣ ଆତଙ୍କବାଦୀ ନିହତ ହୋଇଥିବାବେଳେ ସେଥିମଧ୍ୟରୁ ୯୧ ଜଣ ସ୍ଥାନୀୟ ଏବଂ ୩୪ ଜଣ ବିଦେଶୀ ଆତଙ୍କବାଦୀ ଥିଲେ।