ଦିବ୍ୟାଙ୍ଗ ମତଦାତାଙ୍କ ପାଇଁ ୭୪୦ଟି ଅଟୋ ଏବଂ ୨୦ଟି ବସ୍ର ବ୍ୟବସ୍ଥା କଲେ ଥାନେ ଜିଲ୍ଲା ନିର୍ବାଚନ ଅୟୋଗ
ଥାଣେ : ଥାଣେ ଜିଲ୍ଲା ନିର୍ବାଚନ ଆୟୋଗ ଦିବ୍ୟାଙ୍ଗ ମତଦାତାଙ୍କ ପାଇଁ ଯେଉଁ ବ୍ୟବସ୍ଥା କରିଛନ୍ତି, ତାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଏପ୍ରିଲ ୨୯ରେ ମତଦାନ ହେବାକୁ ଥିବା ବେଳେ ଦିବ୍ୟାଙ୍ଗ ମତଦାତାଙ୍କ ସମସ୍ୟାର ସମାଧାନ କରିବାକୁ ଯାଇ ୭୪୦ଟି ଅଟୋ ଏବଂ ୨୦ଟି ବସ୍ର ବ୍ୟବସ୍ଥା କରିଛନ୍ତି ନିର୍ବାଚନ ଆୟୋଗ । ପ୍ରତି ବସ୍ରେ ମତଦାତାଙ୍କ ସହାୟତା ପାଇଁ ଜଣଙ୍କୁ ରଖାଯିବ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଶନିବାର ଏହି ଘୋଷଣା କରାଯାଇଥିବା ବେଳେ ଖବରଟି ସାମ୍ନାକୁ ଆସିବା ପରେ ଦିବ୍ୟାଙ୍ଗ ମତଦାତାଙ୍କ ମଧ୍ୟରେ ଖୁସିର ଲହରି ଖେଳି ଯାଇଛି । ଯଦି ଦରକାର ହୁଏ, ତେବେ ଆହୁରି ଅନେକ ଗାଡ଼ିକୁ ନିୟୋଜିତ କରାଯିବ ବୋଲି କହିଛନ୍ତି ଥାଣେ ଜିଲ୍ଲା ନିର୍ବାଚନ ଆୟୋଗ । ଥାଣେ ଜିଲ୍ଲା ନିର୍ବାଚନ ଆୟୋଗ ଏବଂ ଥାଣେ ନଗର ପରିବହନର ମିଳିତ ସହଯୋଗରେ ଏହି ସୁବିଧା ଦିବ୍ୟାଙ୍ଗକୁ ଯୋଗାଇ ଦିଆଯିବ ବୋଲି ଜଣା ପଡ଼ିଛି ।