ଗତ ୮ ବର୍ଷରେ ଦେଶରେ ୭୫୦ଟି ବାଘ ମରିଛନ୍ତି, ଏହା ମଧ୍ୟରେ ଓଡ଼ିଶାର ୭ ବାଘ ରହିଛନ୍ତି
ଭୁବନେଶ୍ୱର : ଦେଶରେ ହାତୀ ମୃତ୍ୟୁକୁ ନେଇ ଚର୍ଚା ଚାଲିଥିବାବେଳେ ବାଘଙ୍କ ସମ୍ପର୍କରେ ଏକ ତଥ୍ୟ ଆସିଛି । ଗତ ୮ ବର୍ଷ ଅର୍ଥାତ ୨୦୧୨ରୁ ୨୦୧୯ ମଧ୍ୟରେ ଦେଶରେ ପ୍ରାୟ ୭୫୦ଟି ବାଘ ମୃତ୍ୟୁବରଣ କରିଛନ୍ତି । ମୁଖ୍ୟତଃ ପ୍ରାକୃତିକ ଓ ଶିକାର ଜନିତ କାରଣରୁ ଅଧିକାଂଶ ବାଘଙ୍କ ମୃତ୍ୟୁ ହୋଇଛି । ମଧ୍ୟପ୍ରଦେଶରେ ସର୍ବାଧିକ ୧୭୩ ବାଘଙ୍କ ମୃତ୍ୟୁ ହୋଇଛି । ଏହି ୮ ଓଡିଶାରେ ୭ଟି ବାଘ ମରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଜାତୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ ଦ୍ୱାରା ପ୍ରଦତ୍ତ ତଥ୍ୟ ଅନୁସାରେ ମୃତ୍ୟୁବରଣ କରିଥିବା ମୋଟ ୭୫୦ ବାଘଙ୍କ ମଧ୍ୟରୁ ୩୬୯ ଟି ବାଘ ପ୍ରାକୃତିକ କାରଣରୁ , ୧୬୮ଟି ବାଘ ଶିକାର ଜନିତ କାରଣରୁ ୪୨ଟି ଅପ୍ରାକୃତିକ କାରଣରୁ ଓ ଅବଶିଷ୍ଠ ୭୦ଟି ବାଘଙ୍କ ମୃତ୍ୟୁର କାରଣ ଜଣାପଡ଼ିନାହିଁ । ଏହି ୮ ବର୍ଷରେ ୧୦୧ଟି ବାଘ ବନବିଭାଗ ଦ୍ୱାରା ଜବତ କରାଯାଇଛି ।
ମଧ୍ୟପ୍ରଦେଶରେ ମରିଥିବା ସର୍ବାଧିକ ୧୭୩ଟି ବାଘ ମଧ୍ୟରୁ ୩୮ଟି ବାଘଙ୍କୁ ଶିକାର ଦ୍ୱାରା ମରାଯାଇଛି ଓ ୯୦ଟି ବାଘ ପ୍ରାକୃତିକ ଭାବେ ମରିଛନ୍ତି ।
ଗତ ଡିସେମ୍ବର ମାସରେ କେନ୍ଦ୍ର ପରିବେଶ ଓ ଜଙ୍ଗଲ ମନ୍ତ୍ରୀ ପ୍ରକାଶ ଜାବଡ଼େକର କହିଥିଲେ ଯେ ୨୦୧୫ରୁ ୨୦୧୯ ମଧ୍ୟରେ ଦେଶରେ ବାଘ ସଂଖ୍ୟା ୭୫୦ଟି ବୃଦ୍ଧି ପାଇ ୨୯୭୬ରେ ପହଞ୍ଚିଛି । ରାଜ୍ୟସଭାରେ ଏକ ପ୍ରଶ୍ନର ଉତ୍ତର ଦେଇ ସେ ଏହି ସୂଚନା ଦେଇଥିଲେ ।