ପାକିସ୍ତାନରେ ବୋମା ବିସ୍ଫୋରଣ, ଚୀନ ଇଂଜିନିୟରଙ୍କ ସମେତ ୧୩ ମୃତ
ଇସଲାମାବାଦ : ଉତ୍ତର ପାକିସ୍ତାନରେ ଆଜି ସକାଳେ ଏକ ବଡ଼ ଧରଣର ଆତଙ୍କବାଦୀ ଆକ୍ରମଣ ହୋଇଛି । ଖାଇବର ପଖତୁନଖ୍ବାବା ପ୍ରଦେଶରେ ନିର୍ମାଣାଧିନ ଦାସୁ ହାଇଡ୍ରୋ ପାଓ୍ବାର ପ୍ଲାଣ୍ଟକୁ ଯାଉଥିବା ଏକ ବସରେ ଆଇଇଡି ବିସ୍ଫୋରଣ ହେବାରୁ ୧୩ ଜଣ ମୃତ୍ୟୁବରଣ କରିଛନ୍ତି । ମୃତକଙ୍କ ମଧ୍ୟରୁ ୯ ଜଣ ଚୀନ ଇଂଜିନିୟର ଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନୀ ଖବରକାଗଜ ଏକ୍ସପ୍ରେସ ଟ୍ରିବୁନରେ ପ୍ରକାଶିତ ରିପୋର୍ଟ ଅନୁସାରେ ବୁଧବାର ସକାଳ ସାଢେ ୭ଟା ସମୟରେ ପ୍ରାୟ ଚୀନା ଇଂଜିନିୟର, ଶ୍ରମିକ ଓ ପାକିସ୍ତାନୀ ସେନାର ଯବାନଙ୍କୁ ମିଶାଇ ମୋଟ ୩୦ ଜଣ ବ୍ୟକ୍ତି ପ୍ରକଳ୍ପସ୍ଥଳୀକୁ ଯାଉଥିବା ଏକ ବସରେ ଖଞ୍ଜାଯାଇଥିବା ଆଇଇଡି ବିସ୍ଫୋରଣ ହେବାରୁ ଘଟଣାସ୍ଥଳରେ ୧୩ ଜଣ ପ୍ରାଣ ହରାଇଥିଲେ । ତେବେ ବସରେ ଥିବା ଆଉ କିଛି ଯାତ୍ରୀ ଆହତ ହୋଇଛନ୍ତି ଓ କେତେକଙ୍କ ଅବସ୍ଥା ସଂକଟାପନ୍ନ ରହିଛି । ଏଣୁ ଆଗକୁ ମୃତ୍ୟୁ ସଂଖ୍ୟା ଆହୁରି ବଢିବାର ଆଶଙ୍କା ରହିଛି । ଏବେ ବି ଜଣେ ଚୀନ ଇଂଜିନିୟର ଓ ଜଣେ ଯବାନ ନିଖୋଜ ଅଛନ୍ତି ।ଏହି ଘଟଣା ପାଇଁ ଏପର୍ୟ୍ୟନ୍ତ କୌଣସି ସଂଗଠନ ନିଜକୁ ଦାୟୀ କରିନାହାନ୍ତି । ବିସ୍ଫୋରଣ ପରେ ସ୍ଥାନୀୟ ପ୍ରଶାସନ ପକ୍ଷରୁ ଉଦ୍ଧାର କାର୍ୟ୍ୟ ଜାରି ରହିଛି ।