ଘନ କୁହୁଡି ହେତୁ ପଛକୁ ପଛ ପିଟି ହେଲେ ପ୍ରାୟ ୫୦ଟି ଗାଡି, ୮ଜଣଙ୍କ ମୃତ୍ୟୁ, ୧୦ରୁ ଅଧିକ ଆହତ
ଚଣ୍ଡୀଗଡ: ହରିୟାଣା ରୋହତକ-ରେୱାରୀ ହାଇୱେରେ ଘନ କୁହୁଡି ହେତୁ ସୋମବାର ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଘନ କୁହୁଡି ହେତୁ ପ୍ରାୟ ୫୦ଟି ଗାଡି ପରସ୍ପର ସହ ପିଟି ହୋଇ ଏକ ଭୟଙ୍କର ଦୁର୍ଘଟଣା ଘଟିଛି। ଦୁର୍ଘଟଣାରେ ଘଟଣାସ୍ଥଳରେ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ରୁ ଅଧିକ ଆହତ ହୋଇଛନ୍ତି । ମୃତକ କିରଦୋଧ ଗ୍ରାମର ହୋଇଥିବା ପୁଲିସ ସୂତ୍ରରୁ ପ୍ରକାଶ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ସୋମବାର ହାଇୱେରେ ଘନ କୁହୁଡି ହୋଇଥିବା ହେତୁ ଏକ ଜିପ ଏବଂ ପିକଅପ ଭ୍ୟାନ୍ ମଧ୍ୟରେ ଧକ୍କା ହୋଇଥିଲା । ଏହି ଦୁର୍ଘଟଣା ପରେ ପଛଆଡୁ ଆସୁଥିବା ଆଉ ଏକ ଟ୍ରକ ଦୁର୍ଘଟଣାଗ୍ରସ୍ତ ଜିପକୁ ପିଟିଥିଲା । ଏପରି ଭାବେ ପଛକୁ ପଛ ପ୍ରାୟ ୫୦ଟି ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଦୁର୍ଘଟଣାରେ ୭ଜଣ ମହିଳାଙ୍କ ସେମତ ୮ ଜଣଙ୍କ ମୃତ୍ୟୁ ଓ ୧୦ରୁ ଅଧିକ ଲୋକେ ଆହତ ହୋଇଥିବା ପ୍ରକାଶିତ ରିପୋର୍ଟରୁ ଜଣାପଡ଼ିଛି। ଆହତଙ୍କ ମଧ୍ୟରେ ୩ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ସ୍ଥାନୀୟ ସରକାରୀ ହସ୍ପିଟାଲରେ ଆହତଙ୍କ ଚିକିତ୍ସା ଜାରି ରହିଛି।
ପ୍ରତ୍ୟେକ ମୃତକଙ୍କ ପରିବାରକୁ ୨ ଲକ୍ଷ ଏବଂ ଗୁରୁତରଙ୍କୁ ଲକ୍ଷେ ଏବଂ ଆହତଙ୍କୁ ୫୦ ହଜାର ଟଙ୍କା ଲେଖାଏଁ ଦିଆଯିବ ବୋଲି ହରିୟାଣା ମନ୍ତ୍ରୀ ଓପି ଧନକାର ଦୁଃଖ ପ୍ରକାଶ କରିବା ସହ ପୀଡିତ ପରିବାରଙ୍କ ପାଇଁ ଏହି ସହାୟତା ରାଶିର ଘୋଷଣା କରିଛନ୍ତି ।