୯/୧୧ ବଦଳାଇ ଦେଲା ଭାରତର ଆତଙ୍କବାଦ ବିରୋଧୀ ଲଢ଼େଇର ରୂପରେଖ

ଶ୍ରୀନଗର: ସେପ୍ଟେମ୍ବର ୧୧, ୨୦୦୧ରେ ଆମେରିକାର ବିଶ୍ୱ ବାଣିଜ୍ୟ କେନ୍ଦ୍ର ଉପରେ ହୋଇଥିବା ଆକ୍ରମଣରେ ପ୍ରାୟ ୩୦୦୦ ଲୋକ ପ୍ରାଣ ହରାଇଥିଲେ। ସେପ୍ଟେମ୍ବର ୨୦୦୧ରେ ଆମେରିକାରେ ଭୟଙ୍କର ଆକ୍ରମଣ ପରେ ଡିସେମ୍ବର ମାସରେ ନୂଆଦିଲ୍ଲୀରେ ଭାରତର ସଂସଦ ଭବନ ଉପରେ ଆକ୍ରମଣ କରାଯାଇଥିଲା। ଏହି ଆକ୍ରମଣକୁ ଇସଲାମିକ ଆତଙ୍କବାଦର ଏକ ଜ୍ଜଳନ୍ତ ନମୁନା ଭାବେ ଗ୍ରହଣ କରାଯାଇଥିଲା ଏବଂ କାଶ୍ମୀରରେ ଚାଲିଥିବା ସଶସ୍ତ୍ର ବିଦ୍ରୋହକୁ ବିଶ୍ୱ ଆତଙ୍କବାଦର ଆଖ୍ୟା ଦିଆଯାଇଥିଲା। ୯/୧୧ ପରେ କାଶ୍ମୀରରେ ସକ୍ରିୟ ଥିବା ସମସ୍ତ ପ୍ରମୁଖ ଆତଙ୍କବାଦୀ ସଂଗଠନଗୁଡ଼ିକ ସପଂର୍କରେ ବିଶ୍ବବାସୀ ଭଲ ଭାବେ ଅବଗତ ହୋଇଥିଲେ ଏବଂ ଆତଙ୍କବାଦ ବିରୋଧରେ ଚାଲିଥିବା ବୈଶ୍ବିକ ଲଢ଼େଇରେ ଭାରତ ସେବେଠାରୁ ଏକ ଗୁରୁତ୍ବପୂର୍ଣ୍ଣ ଭୂମିକା ନେଇଆସୁଛି । ୯/୧୧ ପରେ ଆଫଗାନିସ୍ତାନ ଉପରେ ଆମେରିକାର ଆକ୍ରମଣକୁ ବିରୋଧ କରି କାଶ୍ମୀର ବିଶ୍ୱବିଦ୍ୟାଳୟରେ ଛାତ୍ରମାନେ ବିରୋଧ ପ୍ରଦର୍ଶନ କରିଥିଲେ।

ଆଫଗାନିସ୍ତାନବାସୀଙ୍କ ସହ ଏକତା ପ୍ରଦର୍ଶନ କରିବାକୁ ଆମେରିକା ବିରୋଧୀ ବିଭୋକ୍ଷ ପ୍ରଦର୍ଶନ ହୋଇଛି। ୯/୧୧ର ମାତ୍ର ୨୦ ଦିନ ପରେ, ଆତଙ୍କବାଦୀମାନେ ଜମ୍ମୁ କାଶ୍ମୀର ବିଧାନସଭା ଉପରେ ଏକ ବଡ଼ ଆକ୍ରମଣ କରିଥିଲେ ଯେଉଥିରେ ୩୮ଜଣଙ୍କର ମୃତ୍ୟୁ ଘଟିଥିଲା। ପାକିସ୍ତାନୀ ଆତଙ୍କବାଦୀ ମୌଲାନା ମାସୁଦ ଆଝାର ଜୈସ-ଏ-ମହମ୍ମଦ ଆତଙ୍କବାଦୀ ସଂଗଠନ ତିଆରି କରି ଭାରତରେ ଗୋଟିଏ ପରେ ଗୋଟିଏ ଆକ୍ରମଣ କରିଚାଲିଲା। ୯/୧୧ ପରେ ଭାରତ ଯୁକ୍ତି କରିଥିଲା ​​ଯେ କାଶ୍ମୀରରେ ସୀମାପାର ଆତଙ୍କବାଦକୁ ପାକିସ୍ତାନ ପ୍ରାୟୋଜିତ ଏବଂ ସମର୍ଥନ କରୁଛି। ୧୯୯୯ ରେ କାର୍ଗିଲ ଯୁଦ୍ଧ ପରେ ଭାରତ ଏବଂ ପାକିସ୍ଥାନ ପ୍ରଥମ ଥର ପାଇଁ ନିରନ୍ତର ସହଯୋଗ ପ୍ରକ୍ରିୟା ଆରମ୍ଭ କରିଥିଲେ।୨୦୦୩ ରେ ନିୟନ୍ତ୍ରଣର ରେଖାରେ ଅସ୍ତ୍ରବିରତି ଘୋଷଣା କରାଯାଇଥିଲା।

ଏପ୍ରିଲ୍ ୭, ୨୦୦୫ରେ ଶ୍ରୀନଗର ଏବଂ ମୁଜାଫରବାଦକୁ ସଂଯୋଗ କରୁଥିବା ନିୟମିତ ବସ୍ ସେବା ଆରମ୍ଭ ହୋଇଥିଲା।ତଥାପି ଏହି ଶାନ୍ତିପୂର୍ଣ୍ଣ ପରିସ୍ଥିତି ଅଧିକ ସମୟ ଧରି ରହିଲା ନାହିଁ। ୨୦୦୮ରେ କାଶ୍ମୀରରେ ଅଶାନ୍ତି ଦେଖାଦେଇଥିଲା। ଏହି ଅଞ୍ଚଳରେ ସଶସ୍ତ୍ର ବିଦ୍ରୋହରୁ ରାସ୍ତାରୋକକୁ ପରିବର୍ତ୍ତନ ହୋଇଥିଲା।ଅମରନାଥ ଶ୍ରୀକ୍ଷେତ୍ର ବୋର୍ଡକୁ ଜମି ହସ୍ତାନ୍ତର ବିରୁଦ୍ଧରେ ଏକ ପରିବେଶ ଅଭିଯାନ ହିଂସାକାଣ୍ଡରେ ପରିଣତ ହୋଇଥିଲା ଯେଉଁଥିରେ ପ୍ରାୟ ୪୬ ଜଣ ମୃତ୍ୟୁବରଣ କରିଥିଲେ ଏବଂ ପ୍ରାୟ ୧୩୦୦ ଆହତ ହୋଇଥିଲେ। ଜୁଲାଇ ୨୦୧୬ ରେ, ହିଜବୁଲଆତଙ୍କବାଦୀ କମାଣ୍ଡର ବୁରହାନ ୱାନିଙ୍କ ହତ୍ୟା ପରେ ଗୃହରେ ଅଶାନ୍ତି ଦେଖାଦେଇଥିଲା। ପାଞ୍ଚ ମାସର ଅଶାନ୍ତିରେ ୯୦ ଜଣ ସାଧାରଣ ନାଗରିକ ପ୍ରାଣ ହରାଇଥିଲେ ଏବଂ ୧୩,୦୦୦ରୁ ଅଧିକ ଆହତ ହୋଇଥିଲେ।ଅଗଷ୍ଟ ୫,୨୦୧୯ରେ, ବିଜେପି ନେତୃତ୍ୱାଧୀନ କେନ୍ଦ୍ର ସରକାର ଧାରା ୩୭୦ ରଦ୍ଦ କରି ଏହି ଅଞ୍ଚଳର ସ୍ଵତନ୍ତ୍ର ସ୍ଥିତିକୁ ପ୍ରତ୍ୟାହାର କରି ନେଇଛନ୍ତି। ତାଲିବାନ ଆଫଗାନିସ୍ତାନକୁ ନିଜ ଅଧୀନକୁ ନେବାପରେ ଜେ ଆଣ୍ଡ କେରେ ଥିବା ପୂର୍ବତନ ପୋଲିସ ଅଧିକାରୀଙ୍କ ସମେତ ଅନେକ ଲୋକ ଚିନ୍ତା ପ୍ରକଟ କରିଛନ୍ତି ଯେ ତାଲିବାନ ବର୍ତ୍ତମାନ କାଶ୍ମୀରରେ ଆତଙ୍କବାଦୀଙ୍କ ଉପରେ ପ୍ରଭାବ ପକାଇପାରେ। ଅଗଷ୍ଟ ୩୧ରେ, ଆମେରିକାର ସମସ୍ତ ସୈନ୍ୟ ଆଫଗାନିସ୍ତାନ ଛାଡିବାର କିଛି ଘଣ୍ଟା ପରେ ଅଲ-କାଏଦା ତାଲିବାନକୁ କାବୁଲରେ ବିଜୟ ପାଇଁ ପ୍ରଶଂସା କରିଥିଲା।

ସମ୍ବନ୍ଧିତ ଖବର