ନକଲି ଆଧାରକାର୍ଡ଼ ନେଇ ଭାରତକୁ ଆସିଥିବା ୯ ଜଣ ବାଂଲାଦେଶୀ ନାଗରିକ ଗିରଫ

କୋଲକାତା: ପଶ୍ଚିମବଙ୍ଗର ଆଲିପୁରଦ୍ୱାର ରେଳ ଷ୍ଟେସନରେ ରେଳ ସୁରକ୍ଷା ବଳ ନଅ ଜଣ ବାଂଲାଦେଶୀ ନାଗରିକଙ୍କୁ ଗିରଫ କରିଛି । ସେମାନଙ୍କ ମଧ୍ୟରେ ଚାରିଜଣ ମହିଳା ଏବଂ ଦୁଇଜଣ ପୁରୁଷ ଅଛନ୍ତି। ଯେତେବେଳେ ସେମାନେ ଷ୍ଟେସନରେ ବୁଲୁଥିଲେ ରେଳ ସୁରକ୍ଷାକର୍ମୀଙ୍କର ସନ୍ଦେହ ହୋଇଥିଲା | ଏହାପରେ ପଚରାଉଚରା ସମୟରେ ସେମାନେ ବୈଧ ଦଲିଲ ଦେଇପାରିନଥିଲେ, ଯାହାଫଳରେ ତାଙ୍କୁ ଗିରଫ କରାଯାଇଥିଲା। ରେଳ ସୁରକ୍ଷା ଅଧିକାରୀଙ୍କ ସୂଚନା ଅନୁଯାୟୀ, ଆଲିପୁରଦ୍ୱାର ଜଙ୍କସନରେ ରେଳ ସୁରକ୍ଷା ବଳର ଏକ ଟିମ୍ ସନ୍ଦେହଜନକ ଅବସ୍ଥାରେ କିଛି ଲୋକଙ୍କୁ ଦେଖିଥିଲେ। ଯେତେବେଳେ ସେମାନଙ୍କୁ ପଚରାଗଲା, ସେମାନେ ବୈଧ ଡକ୍ୟୁମେଣ୍ଟ୍ ଦେଖାଇପାରିନଥିଲେ |

କିଛି ସମୟ ପରେ ସେମାନେ ସ୍ୱୀକାର କରିଥିଲେ ଯେ ସେମାନେ ବାଂଲାଦେଶରୁ ବେଆଇନ ଭାବେ ଭାରତରେ ପ୍ରବେଶ କରିଛନ୍ତି। ଅନୁସନ୍ଧାନରୁ ଜଣାପଡିଥିଲା ଯେ ସେମାନେ ଅଗରତାଲାରୁ ସିଆଲଦା ଅଭିମୁଖେ ଯାଉଥିବା କାଞ୍ଚନଜଙ୍ଘା ଏକ୍ସପ୍ରେସରେ ଯିବାର ଥିଲା | ଏହାପରେ ସେମାନଙ୍କ ପାଖରୁ ନକଲି ଭାରତୀୟ ଆଧାର କାର୍ଡ, ଦୁଇଟି ମୋବାଇଲ୍ ଫୋନ୍ ଏବଂ ୨ଟି ରେଳ ଇ-ଟିକେଟ୍ ଜବତ କରାଯାଇଛି। ଅଧିକ ଅନୁସନ୍ଧାନ ପାଇଁ ସେମାନଙ୍କୁ ଏବେ ଅଟକ ରଖାଯାଇ ପଚରାଉଚୁରା କରାଯାଉଛି |