ପାକିସ୍ତାନରୁ ୯ ଆଇଏସଆଇଏସ ଆତଙ୍କବାଦୀ ଗିରଫ

ଇସଲାମାବାଦ: ପାକିସ୍ତାନର ପଞ୍ଜାବ ପ୍ରଦେଶରେ ସୁରକ୍ଷା ଏଜେନ୍ସିମାନେ ଆଇଏସଆଇଏସ୍ ଓ  ସିହା ବିରୋଧୀ ସଂଗଠନର ୯ ଜଣ ସନ୍ଦିଗ୍ଧ ଆତଙ୍କବାଦୀଙ୍କୁ ଗିରଫ କରିଛନ୍ତି ।ସେମାନଙ୍କୁ ପୁଲିସ ଓ ଗୁଇନ୍ଦା ଏଜେନ୍ସି ଗିରଫ କରିବା ସହ ଗୁରୁତ୍ବପୂର୍ଣ୍ଣ ପ୍ରତିଷ୍ଠାନ ଓ ଧାର୍ମିକ ସ୍ଥଳରେ ଆତଙ୍କବାଦୀ ଆକ୍ରମଣ କରିବାର ଏକ ବଡ଼ ଷଡ଼ଯନ୍ତ୍ରକୁ ବିଫଳ କରିଛି। ଶନିବାର ପୁଲିସ ଏହି ସୂଚନା ଦେଇଛି।

ପଞ୍ଜାବ ପୁଲିସର ଆତଙ୍କବାଦ ନିରୋଧୀ ବିଭାଗ (ସିଟିଡି) ଦାବି କରିଛି ଯେ ଗୁଇନ୍ଦା ସୂଚନା ଆଧାରରେ ରାଜ୍ୟର ବିଭିନ୍ନ ଜିଲ୍ଲାରେ ୭୧ଟି ଅପରେସନ୍ କରାଯାଇଥିଲା। ଅସ୍ତ୍ରଶସ୍ତ୍ର, ବିସ୍ଫୋରକ ଓ ଅନ୍ୟାନ୍ୟ ନିଶାଦ୍ରବ୍ୟ ସହ ୯ ଜଣ ଆତଙ୍କବାଦୀଙ୍କୁ ଗିରଫ କରାଯାଇଛି।

ସିଟିଡିର ଜଣେ ମୁଖପାତ୍ର କହିଛନ୍ତି ଯେ ଆଇଏସଆଇଏସ  ଏବଂ ଶିଆ ବିରୋଧୀ ସଂଗଠନ, ସିପା ସାହାବା ପାକିସ୍ତାନ (ଏସଏସପି) ଏବଂ ଲସ୍କର-ଇ-ଝାଙ୍ଗଭି (ଏଲଇଜେ)ର ୯ ଜଣ ଆତଙ୍କବାଦୀଙ୍କୁ ଚଳିତ ସପ୍ତାହରେ ପ୍ରଦେଶର ବିଭିନ୍ନ ଅଞ୍ଚଳରୁ ଗିରଫ କରାଯାଇଛି। ରହିମ ୟାର୍ ଖାନ୍, ଓକାରା, ବାହାୱଲପୁର, ଲାହୋର, ରାୱଲପିଣ୍ଡି, ଫୈସଲାବାଦ ଏବଂ ମିଆଁୱାଲିରେ ଗୁଇନ୍ଦା ଭିତ୍ତିକ ଅପରେସନ୍ ବେଳେ ଏହି ଗିରଫଦାରୀ କରାଯାଇଛି।