ନୂଆଦିଲ୍ଲୀ: ଦେଶରେ କରୋନା ମହାମାରୀ ଏବେ ପ୍ରତିଟି ମଣିଷକୁ ଭୟଭିତ କରି ରଖିଛି । ଏହି ସମୟରେ ଲୋକମାନେ ସେମାନଙ୍କ ଜୀବନ ବଞ୍ଚାଇବାକୁ ସଂଘର୍ଷ କରୁଛନ୍ତି । ଏଭଳି ସମୟରେ ଏମିତି ବି କିଛି ଲୋକ ଅଛନ୍ତି ଯିଏ ଅନ୍ୟର ଜୀବନ ବଂଚାଇବାକୁ ନିଜ ଜୀବନକୁ ବି ବାଜିରେ ଲଗାଇ ଦେଉଛନ୍ତି । କିଛି ଏଭଳି କରି ଦେଖାଇଛନ୍ତି ପଙ୍କଜ ଗୁପ୍ତା । ଯିଏ କି ୯ମ ଥର ପ୍ଲାଜମା ଦାନ କରି ଏକ ବିଶେଷ ରେକର୍ଡ ସ୍ଥାପିତ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଭଗତ ସିଂ କଲୋନୀରେ ରହୁଥିବା ଷ୍ଟାର ଇନସ୍ୟୁରାନ୍ସ କମ୍ପାନିର ଆଞ୍ଚଳିକ ମ୍ୟାନେଜର ପଙ୍କଜ ଗୁପ୍ତା ୯ମ ଥର ପ୍ଲାଜମା ଦାନ କରି ରେକର୍ଡ କରିଛନ୍ତି । କେବଳ ରାଜସ୍ଥାନ ନୁହେଁ ଏହା ଦେଶର ପ୍ରଥମ ଘଟଣା, ଯେଉଁଠି ଜଣେ ବ୍ୟକ୍ତି ୯ ଥର ପ୍ଲାଜମା ଦାନ କରିଛନ୍ତି ।
କୁହାଯାଉଛି କି ପଙ୍କଜ ଗୁପ୍ତା ୯ ଥର ପ୍ଲାଜମା ଦାନ କରି ୧୮ ଜଣ କରୋନା ସଂକ୍ରମିତଙ୍କ ଜୀବନ ବଞ୍ଚାଇଛନ୍ତି । ଏହାସହ ସେ ଏପର୍ଯ୍ୟନ୍ତ ଟିକା ନେଇନଥିବା କୁହାଯାଇଛି । ଟିକା ନେଇ ନଥିବାରୁ ସେ ବାରମ୍ବାର ପ୍ଲାଜମା ଦାନ କରିପାରୁଛନ୍ତି । ପଙ୍କଜ କହିଛନ୍ତି କି ତାଙ୍କ ଶରୀରରେ ଯେତେଥର ଏଣ୍ଟିବଡି ସୃଷ୍ଟି ହେଉଥିବ ସେ ପ୍ଲାଜମା ଦାନ କରିଚାଲିବେ । ରାଜସ୍ଥାନର କୋଟା ସହର ପ୍ଲାଜମା ଦାନରେ ସବୁଠାରୁ ଆଗରେ ଅଛି । ଏଠାରୁ ପ୍ଲାଜମା ଅନ୍ୟ ରାଜ୍ୟର ରୋଗୀଙ୍କ ପାଇଁ ବି ପଠା ଯାଉଛି ।
ଉଲ୍ଲେଖଯୋଗ୍ୟ,, କରୋନାରେ ଗମ୍ଭୀର ଭାବେ ସଂକ୍ରମିତ ରୋଗୀଙ୍କ ଚିକିତ୍ସା ପାଇଁ ପ୍ଲାଜମାକୁ ବ୍ୟବହାର କରାଯାଏ । କୋଟାରେ ପ୍ଲାଜମା ଦାନ ନେଇ ଚାଲିଥିବା ଅଭିଯାନରେ ବ୍ୟବସାୟୀ, ବିଦ୍ୟାର୍ଥୀ, ଓକିଲ ଓ ଡାକ୍ତରମାନେ ଆଗେଇ ଆସୁଥିବା ଦେଖିବାକୁ ମିଳିଛି । କୋଟା ସହରରୁ ଏପର୍ଯ୍ୟନ୍ତ ୬୦୦ ପ୍ଲାଜମା ସଂଗ୍ରହ ହୋଇଛି । କୁହାଯାଉଛି କି ଆଗାମୀ ୨ ମାସ ମଧ୍ୟରେ ଏହାର ସଂଖ୍ୟା ୧ ହଜାର ପାର କରିବ ।