ନକଲି ରେମେଡେସିଭିର ଇଞ୍ଜେକ୍ସନ ନେଇଥିବା ୯୦ ପ୍ରତିଶତ ରୋଗୀ କରୋନାକୁ ହରାଇଲେ: ମଧ୍ୟପ୍ରଦେଶ ପୁଲିସ
ଭୋପାଳ: କରୋନା ସଂକ୍ରମଣରେ ବୃଦ୍ଧି ହେତୁ ନକଲି ରେମେଡେସିଭିର ଇଞ୍ଜେକ୍ସନର ଚାହିଦା ଯଥେଷ୍ଟ ବୃଦ୍ଧି ପାଇଛି ଏବଂ ନକଲି ରେମେଡେସିଭିର ଇଞ୍ଜେକ୍ସନର କଳାବଜାରୀ ମଧ୍ୟ ଚାଲିଛି। ଏଥି ସହିତ ମଧ୍ୟପ୍ରଦେଶ ପୁଲିସ ନକଲି ରେମେଡେସିଭିର ଇଞ୍ଜେକ୍ସନ ନେଇ ଏକ ଆଶ୍ଚର୍ଯ୍ୟଜନକ ତଥ୍ୟ ଦେଇଛି। ପୁଲିସର ଅନୁସନ୍ଧାନରୁ ଜଣାପଡିଛି ଯେ ନକଲି ରେମେଡେସିଭିର ଇଞ୍ଜେକ୍ସନ ନେଇଥିବା କୋଭିଡ -୧୯ ରୋଗୀଙ୍କ ମଧ୍ୟରୁ ୯୦ ପ୍ରତିଶତ ରୋଗୀ ଫୁସଫୁସ ସଂକ୍ରମଣରୁ ବର୍ତ୍ତିଯାଇଛନ୍ତି ଓ କରୋନାକୁ ମାତ ଦେଇଛନ୍ତି । ନିକଟରେ ଇନ୍ଦୋର ଏବଂ ଜବଲପୁରରେ ନକଲି ରେମେଡିସିଭିର ଇଞ୍ଜେକ୍ସନ ଯୋଗାଉଥିବା ଏକ ଗ୍ୟାଙ୍ଗର ଖୁଲାସା ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଏହା ପରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଗିରଫ ହୋଇଥିବା ଲୋକଙ୍କ ବିରୋଧରେ ହତ୍ୟା ମାମଲା ପଞ୍ଜିକରଣ କରିବାକୁ ଏବଂ ମାମଲାର ତଦନ୍ତ କରିବାକୁ ନିର୍ଦ୍ଦେଶ ଦେଇଥିଲେ । ପୁଲିସର ସୂଚନାନୁସାରେ, ନକଲି ରେମେଡେସିଭିର ଇଞ୍ଜେକ୍ସନ ଦିଆଯାଇଥିବା ଦଶ ଜଣ ରୋଗୀଙ୍କ ମୃତ୍ୟୁ ହୋଇଥିବାବେଳେ ୧୦୦ ରୁ ଅଧିକ କୋଭିଡ -୧୯ ରୋଗୀ ଆରୋଗ୍ୟ ଲାଭ କରିଛନ୍ତି।
ପୁଲିସ କହିଛି ଯେ ନକଲି ଇଞ୍ଜେକ୍ସନରେ ଗ୍ଲୁକୋଜ ଲୁଣିଆ ପାଣି ଭର୍ତ୍ତି କରାଯାଇଥିଲା । ଏହି ଗ୍ୟାଙ୍ଗ ମଧ୍ୟପ୍ରଦେଶରେ ପ୍ରାୟ ୧୨୦୦ ନକଲି ରେମେଡିସିଭିର ଇଞ୍ଜେକ୍ସନ ବିକ୍ରି କରିଥିଲା। ସେଥିମଧ୍ୟରୁ ଜବଲପୁରରେ ୫୦୦ ଏବଂ ଇନ୍ଦୋରରେ ୭୦୦ ଇଞ୍ଜେକ୍ସନ ବିକ୍ରି କରାଯାଇଥିଲା। ନକଲି ଇଞ୍ଜେକ୍ସନ ବିକ୍ରୟ ପାଇଁ ଏକ ଘରୋଇ ହସ୍ପିଟାଲ ଅପରେଟରଙ୍କ ସମେତ ଚାରି ଜଣଙ୍କ ବିରୋଧରେ ମାମଲା ରୁଜୁ ହୋଇଥିଲା।