ନୂଆଦିଲ୍ଲୀ: ଉତ୍ତରପ୍ରଦେଶ ସମେତ ପାଞ୍ଚଟି ରାଜ୍ୟର ବିଧାନସଭା ନିର୍ବାଚନ ପାଇଁ ବିଗୁଲ ବାଜିସାରିଛି । ସମସ୍ତ ଦଳର ପ୍ରାର୍ଥୀମାନେ ନିଜ ନିଜ ଭାଗ୍ୟ ପରୀକ୍ଷା କରିବାକୁ ଚେଷ୍ଟା କରୁଛନ୍ତି। ଏହି ସମୟରେ, ଆଗ୍ରାର ଜଣେ ବ୍ୟକ୍ତିଙ୍କ କାହାଣୀ ବାବଦରେ ଆମେ କହିବୁ ଯିଏ କି ବିଧାନସଭା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି ଏବଂ ଏହି ନିର୍ବାଚନ ତାଙ୍କ ଜୀବନର ମୋଟ ୯୪ତମ ନିର୍ବାଚନ ହେବ | କୋୖତୁହଳର ବିଷୟ ହେଉଛି ଯେ ଏତେ ନିର୍ବାଚନ ଲଢ଼ିଥିଲେ ବି ଆଜି ପର୍ଯ୍ୟନ୍ତ ସେ ଗୋଟିଏ ବି ନିର୍ବାଚନରେ ​​ଜିତି ନାହାଁନ୍ତି। ବାସ୍ତବରେ ଉତ୍ତରପ୍ରଦେଶର ଆଗ୍ରାରେ ରହୁଥିବା ଏହି ବ୍ୟକ୍ତିଙ୍କ ନାମ ହେଉଛି ହସନୁରାମ ଆମ୍ବେଦକରୀ । ରିପୋର୍ଟ ଅନୁଯାୟୀ, ଏଥର ସେ ଆଗ୍ରା ଜିଲ୍ଲାର ଖେରାଗଡ ବିଧାନସଭା ଆସନ ପାଇଁ ପ୍ରାର୍ଥୀପତ୍ର କିଣିଛନ୍ତି ଏବଂ ସେ ଭାଗ୍ୟ ପରୀକ୍ଷା କରିବାକୁ ଚେଷ୍ଟା କରିବେ। ହସନୁରାମ ଏପର୍ଯ୍ୟନ୍ତ ୯୩ ଟି ନିର୍ବାଚନ ଲଢ଼ିଛନ୍ତି ଓ ସବୁଥିରେ ​​ହାରିଛନ୍ତି | ଏହା ତାଙ୍କର ୯୪ତମ ନିର୍ବାଚନ ହେବ। ସେ ରାଷ୍ଟ୍ରପତି ପଦ ପାଇଁ ବି ନାମାଙ୍କନ କରିଥିଲେ ବି ଏହା ଖାରଜ ହୋଇଯାଇଥିଲା |

Advertisment

ରିପୋର୍ଟ ଅନୁଯାୟୀ, ହସନୁରାମ ଗ୍ରାମପଞ୍ଚାୟତରୁ ଆରମ୍ଭ କରି ସାଂସଦ, ବିଧାୟକ ପର୍ଯ୍ୟନ୍ତ ସମସ୍ତ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଛନ୍ତି। ୭୬ ବର୍ଷୀୟ ହସନୁରାମ ଶପଥ ନେଇଛନ୍ତି ଯେ ବଞ୍ଚିଥିବା ଯାଏଁ ସେ ନିର୍ବାଚନ ଲଢ଼ିବେ । ହସନୁରାମ କହିଛନ୍ତି ଯେ ୧୯୮୪ରେ ସେ ଲଖନଉରେ ଜଣେ ବିଧାୟକଙ୍କୁ ଭେଟିଥିଲେ। ଯେତେବେଳେ କିଛି ବିଷୟରେ ବିଧାୟକଙ୍କ ସହ ଯୁକ୍ତିତର୍କ ହୋଇଥିଲା, ସେତେବେଳେ ବିଧାୟକ ହସନୁରାମଙ୍କୁ କହିଥିଲେ ଯେ ତୁମେ କଣ ମୋ ବିରୋଧରେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିପାରିବ। ହସନୁରାମ ସେହି ସମୟରେ ରାଜସ୍ୱ ବିଭାଗରେ ଅମିନ ଭାବରେ କାର୍ଯ୍ୟ କରୁଥିଲେ।

ସେ ଚାକିରିରୁ ଇସ୍ତଫା ଦେଇ ନିର୍ବାଚନ ମଇଦାନକୁ ଓହ୍ଲାଇଥିଲେ | ୧୯୮୫ ପରଠାରୁ ହସନୁରାମ ୯୩ଟି ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିସାରିଲେଣି । ଏଥର ସେ ଆଗ୍ରାର ଖେରାଗଡ ଏବଂ ଆଗ୍ରା ଗ୍ରାମୀଣ ଆସନରୁ ପ୍ରତିଦ୍ୱନ୍ଦ୍ୱିତା କରିବାକୁ ଟିକେଟ କିଣିଛନ୍ତି। ସେକହିଛନ୍ତି ଯେ ହାରିବା ପାଇଁ ନିର୍ବାଚନ ଲଢ଼ନ୍ତି । ୧୦୦ ଥର ନିର୍ବାଚନରେ ଲଢ଼ି ସେ ନିଜର ରେକର୍ଡ ପ୍ରତିଷ୍ଠା କରିବାକୁ ଚାହୁଁଛନ୍ତି।