‘ଚନ୍ଦ୍ରଯାନ-୨’ର ୯୫ ପ୍ରତିଶତ କାର୍ଯ୍ୟକ୍ଷମ, କେବଳ ୫ ପ୍ରତିଶତ ବିଫଳ ହୋଇଛି: ଇସ୍ରୋ
ନୂଆଦିଲ୍ଲୀ: ‘ଚନ୍ଦ୍ରଯାନ-୨’ର ଲାଣ୍ଡର ବିକ୍ରମ ସହ ଯୋଗାଯୋଗ ବିଚ୍ଛିନ୍ନ ହେବା ପରେ ପରେ ଚନ୍ଦ୍ରାବତରଣ ବିଫଳ ହୋଇଥିବା ଖବର ପ୍ରସାରିତ ହୋଇଛି। ଇସ୍ରୋ ପକ୍ଷରୁ ଏ ନେଇ ସ୍ପଷ୍ଟୀକରଣ ଦିଆଯାଇଛି। ଇସ୍ରୋର ଜଣେ ଅଧିକାରୀଙ୍କ ସୂତ୍ର ଅନୁସାରେ ଚନ୍ଦ୍ରଯାନ-୨ର ୯୫ ପ୍ରତିଶତ ଯନ୍ତ୍ରାଂଶ କାର୍ଯ୍ୟକ୍ଷମ ରହିଛି ଓ ଅରବିଟର୍ ଚନ୍ଦ୍ର କକ୍ଷରେ ସଂପୂର୍ଣ୍ଣ ସକ୍ରିୟ ରହିଛି। ଏହାର ମାତ୍ର ୫ ପ୍ରତିଶତ ଠିକ ଭାବେ କାର୍ଯ୍ୟ କରିନାହିଁ।
Sambad is now on WhatsApp
Join and get latest news updates delivered to you via WhatsApp
ଇସ୍ରୋର ଅଧିକାରୀ ଜଣକ ପିଟିଆଇକୁ କହିଛନ୍ତି କି ‘ଅର୍ବିଟର ଚନ୍ଦ୍ରମା କକ୍ଷରେ ପୂରାପୂରି ସୁରକ୍ଷିତ ଏବଂ ସଫଳ ଭାବେ କାମ ବି କରୁଛି। ୨୩୭୯ କିଲୋଗ୍ରାମ ବିଶିଷ୍ଟ ଏହି ଅର୍ବିଟର ମିସନର ଜୀବନକାଳ ୧ ବର୍ଷ। ଏହି ବର୍ଷେ ଭିତରେ ଅରବିଟର୍ ଚନ୍ଦ୍ରଲୋକର ବିଭିନ୍ନ ଫଟୋ ଉଠାଇ ଇସ୍ରୋକୁ ପଠାଇବ।’ ଜାଣିବାକୁ ମିଳିଛି ଯେ ମିସନର କେବଳ ୫ ପ୍ରତିଶତ ବିଫଳ ହୋଇଛି। ଆଉ ୯୫ ପ୍ରତିଶତ ସଫଳତାପୂର୍ବକ ଚନ୍ଦ୍ରର ପରିକ୍ରମା କରୁଛି।
ଉଲ୍ଲେଖଯୋଗ୍ୟ, ୩,୮୪୦ କିଲୋଗ୍ରାମ ଓଜନର ଚନ୍ଦ୍ରଯାନ-୨କୁ ଜୁଲାଇ ୨୨ ତାରିଖରେ ପ୍ରେରଣ କରାଯାଇ ଥିଲା। ଚନ୍ଦ୍ରଯାନ-୨ ପୃଥିବୀ ଛାଡ଼ି ଅଗଷ୍ଟ ୧୪ ତାରିଖରେ ଚନ୍ଦ୍ରକୁ ଯାତ୍ରା ଆରମ୍ଭ କରିଥିଲା। ଅଗଷ୍ଟ ୨୦ରେ ଏହା ଚନ୍ଦ୍ର କକ୍ଷରେ ପହଞ୍ଚିଥିଲା।