କରୋନାକୁ ହରାଇଲେ ୧୦୫ ବର୍ଷର ମହିଳା
ସୁରତ : ଦେଶରେ କରୋନା ସଂକ୍ରମଣର ଦ୍ବିତୀୟ ଲହର ଭୟ ଖେଳାଇ ଦେଇଛି। କିନ୍ତୁ ସୁରତର ଜଣେ ୧୦୫ ବର୍ଷୀୟା ବୃଦ୍ଧା କରୋନାକୁ ଯେଭଳି ହରାଇଛନ୍ତି ତାହା ନିଶ୍ଚିତ ଭାବେ ଏହି ମହାମାରୀ ସହ ଲଢ଼ିବା ପାଇଁ ଅନ୍ୟମାନଙ୍କୁ ସାହସ ଯୋଗାଇଛି। ପ୍ରଚଣ୍ଡ ଖରା ହେଉ କିମ୍ବା ଲଗାଣ ବର୍ଷା, ଉଜୀବା ଅନେକ ବର୍ଷ ଧରି ଏକା ଚାଷ କରି ଆସୁଛନ୍ତି ଏବଂ ନିଜେ ଫସଲ ଅମଳ କରୁଛନ୍ତି। ସେ ନିଜେ ମଧ୍ୟ ଶଗଡ଼ ଚଳାନ୍ତି। ୧୦୫ ବର୍ଷୀୟା ଏହି ମହିଳା ଚାଷୀ ତାଙ୍କ ଦୃଢ଼ ମନୋବଳ ପାଇଁ କରୋନାକୁ ହରାଇ ଦେଇଛନ୍ତି। ଉଜୀବାଙ୍କ ପୁଅ ଗୋବିନ୍ଦ ଗୋନ୍ଦାଲିୟା କରୋନା ସଂକ୍ରମିତ ହେବାପରେ ଉଜୀବା ସଂକ୍ରମିତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏପ୍ରିଲ ୧୧ରେ ତାଙ୍କୁ ଏକ ଘରୋଇ ହସ୍ପିଟାଲ୍ରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ତେବେ ଉଜୀବା ତାଙ୍କ ପୁଅଙ୍କୁ କହିଥିଲେ ତାଙ୍କର ଚିକିତ୍ସା ଆବଶ୍ୟକ ନାହିଁ। ହସ୍ପିଟାଲ୍ରେ ଡାକ୍ତରମାନଙ୍କୁ ମଧ୍ୟ ସେ ଅତି ଦୃଢ଼ ଭାବେ କହିଥିଲେ କରୋନା ତାଙ୍କର କିଛି କ୍ଷତି କରିପାରିବନି। ସେ ଖୁବ୍ଶୀଘ୍ର ସୁସ୍ଥ ହୋଇ ଘରକୁ ଫେରିବେ। ଉଜୀବାଙ୍କୁ ଚିକିତ୍ସା କରିଥିବା ଡାକ୍ତର ଅନିଲ କୋଟାଡିୟା କହିଛନ୍ତି, ଚିକିତ୍ସାର ୩ ଦିନ ମଧ୍ୟରେ ଉଜୀବାଙ୍କ ସ୍ବାସ୍ଥ୍ୟାବସ୍ଥାରେ ସୁଧାର ଆସିଥିଲା। ଉଜୀବାଙ୍କ ପରିବାରରେ ୧୯ ଜଣ ସଦସ୍ୟ। ସେ ତାଙ୍କ ଜୀବନରେ ଦ୍ବିତୀୟ ବିଶ୍ବଯୁଦ୍ଧ ସହ ଅନେକ ବିପର୍ଯ୍ୟୟ ଏବଂ ଐତିହାସିକ ଘଟଣାବଳି ସବୁ ଦେଖିଛନ୍ତି। ତାଙ୍କ ଭାଇ ଓ ଭଉଣୀମାନଙ୍କ ବୟସ ମଧ୍ୟ ୧୦୦ରୁ ଅଧିକ। ବୟସ ଅଧିକ ସତ୍ତ୍ବେ ଉଜୀବା କରୋନାକୁ ହରାଇ ପାରିଛନ୍ତି।